Jaykumar Gore On Ajit Pawar : स्थानिक स्वराज्य संस्थांच्या निवडणुकीत अनेक ठिकाणी महायुतीमधील घटक पक्षांमध्ये सामना रंगला आहे. सोलापूर जिल्ह्यात देखील महायुतीमधील भाजप आणि राष्ट्रवादी काँग्रेस पक्षात मुख्य लढत पाहायला मिळत आहे. त्यामुळे आता महायुतीमधील नेते एकमेकांवर टीका करत आहे. करमाळ्यात आयोजित एका जाहीर सभेत बोलताना राज्याचे मंत्री जयकुमार गोरे यांनी तुफान फटकेबाजी करत राष्ट्रवादी काँग्रेसला टार्गेट केलं आहे.
या सभेत बोलताना मंत्री जयकुमार गोरे (Jaykumar Gore) म्हणाले की, इथे येऊन कोण म्हणतं तिजोरी आमच्याकडे आहे, तर कोण म्हणतं चावी आमच्याकडे आहे पण बँकच आमच्याकडे आहे. मग तिजोरी आणि चावी कुठून आणणार असं म्हणत त्यांनी उपमुख्यमंत्री अजित पवार (Ajit Pawar) यांना टोला लावला. तसेच मुख्यमंत्री म्हणजे सरकार असते आणि मंत्रिमंडळ ही व्यवस्था असते. राज्यातील प्रत्येक प्रोजेक्ट हा मुख्यमंत्र्याच्या सहीने मंजूर होत असतो. कदाचित हे लोक विसरतात असा टोला देखील जयकुमार गोरे यांनी मिक्षपक्षांना लावला.
पुढे बोलताना मंत्री जयकुमार गोरे म्हणाले की, आजवर करमाळ्यात यांनी कायमचे ठरवले होते, तुम्ही नाही तर आम्ही पण मध्येच भाजप आल्याने त्यांचे वांदे झाले. एकदा भाजपकडे सत्त देऊन बघा नाहीतर आतापर्यंत काय विकास झाला हे तुम्हाला माहितीच आहे असं देखील मंत्री गोरे म्हणाले.
2 तारखेला मतदान, देवा भाऊचे पंधराशे रुपये लक्षात ठेवा
तर 2 तारखेला मतदान आहे. पैसे कुणाचे पण घ्या, काही फरक पडत नाही. सगळ्याचे पैसे घ्या, पण मत देताना देवा भाऊचे पंधराशे रुपये लक्षात ठेवा असे आवाहन देखील जयकुमार गोरे यांनी यासभेत केले. तर सगळ्यांचे पैसे घ्या यांच्या बापाचे नाही. तुमचेच पैसे आहेत. तुमच्याच कामातून कमिशन खाल्ले आहे.
Junior Hockey World Cup 2025 : भारताचा शानदार विजय, चिलीचा 7-0 ने उडवला धुव्वा
166 कोटी रुपयांच्या कामाचे कमिशन आहे. सगळ्यांचे पैसे घ्या, पण मत देताना तुम्हाला स्वाभिमानी बनविणाऱ्या तुमचा सन्मान करणाऱ्या भाजपलाच मत द्या असं आवाहन यावेळी मंत्री जयकुमार गोरे यांनी लाडक्या बहिणींना केले.