Rohit Pawar Statement after Ajit Pawar on Sharad Pawar : गेल्या काही दिवसांपूर्वी अजित पवार यांनी शरद पवार (Sharad Pawar) यांच्याबाबतीत एक मोठं वक्तव्य केलं होतं. मी शरद पवार यांना कालही दैवत मानत होतो, आजही मानतो. पण तळ्यात मळ्यात केल्यास निर्णय घेता येत नाही, असे अजित पवार म्हणाले. विधानसभेचे उपाध्यक्ष अण्णा बनसोडे यांच्या नागरी सत्कार सोहळ्यात अजित पवार बोलले होते. त्यानंतर आता अजित पवारांचे पुतणे आणि आमदार रोहित पवार यांनी देखील अजित पवारांच्याच विधानाची री ओढली आहे. त्यामुळे राजकी वर्तुळात चर्चांना उधाण आले आहे.
काय म्हणाले रोहित पवार?
अजित पवार यांनी शरद पवार यांच्याबाबत केलेल्या विधानावर माध्यमांनी रोहित पवार यांना प्रश्न विचारला होता. त्यावेळी उत्तर देताना रोहित पवार म्हणाले की, दादांची भूमिका बदलली असे मीडियाला वाटत असेल, मी भाषण ऐकलं नाही. ते काय बोलले ते, शेवटी व्यक्तिगत कुटुंबाचा एखादा निर्णय असेल तर पवार कुटुंबाला कौटुंबिक विषयाच्या बाबतीत फरक पडत असेल तर मला सुद्धा काकांना विचाराव लागत काकांचा आणि आजोबांचा आशीर्वाद मला सुद्धा घ्यावा लागतो.
काय म्हणाले होते अजित पवार?
मी शरद पवार यांना कालही दैवत मानत होतो, आजही मानतो. पण तळ्यात मळ्यात केल्यास निर्णय घेता येत नाही, असे अजित पवार म्हणाले. विधानसभेचे उपाध्यक्ष अण्णा बनसोडे यांच्या नागरी सत्कार सोहळ्यात अजित पवार बोलत होते. अजित पवार पुढे म्हणाले, आम्ही निर्णय घेतलाच ना. शरद पवार यांना आम्ही घरात दैवत मानत होतो. आजही मानतो. पण आज देशाला मोदींसारखा नेता मिळालाय. त्यांच्या पाठीशी उभा राहणं आणि देशाची प्रगती करणं खूप महत्वाचं आहे. आम्ही स्वार्थ पाहणारी माणसं नाही. आम्हीही जनहिताची कामं केली आहेत.
ज्ञानेश्वरीचा सुरेल सोहळा, ‘संत ज्ञानेश्वरांची मुक्ताई’ चित्रपट 18 एप्रिलला होणार रिलीज
पिंपरीत आधी आपल्याकडे एकच मतदारसंघ होता. आता तीन झालेत. 2029 मध्ये पाच झाले तर आश्चर्य वाटून घेऊ नका असेही अजित पवार म्हणाले. अण्णा बनसोडे गरीब कुटुंबातील कार्यकर्ते आहेत. मुख्यमंत्री फडणवीसांना सांगून त्यांना विधानसभेचं उपाध्यक्ष केलं. पान टपरी चालवणारे अण्णा आता आमदार आहेत. आधी नगरसेवक होते. आता उपाध्यक्ष झाले आहेत. 1991 मध्ये मी येथे आलो तेव्हा गाववाले आणि बाहेरचे अशी खूप चर्चा व्हायची. पण आता अण्णा बनसोडे हे देखील इथलेच आहेत असे अजित पवार यावेळी म्हणाले.
