Pune Graduate Constituency Election legal action over Thackeray photos: पुणे पदवीधर मतदारसंघाच्या निवडणुकीवरून महाविकास आघाडीत मतभेद समोर आले आहेत. राष्ट्रवादी काँग्रेस शरदचंद्र पवार पक्षाच्या उमेदवाराच्या प्रचारासाठी उद्धव ठाकरे आणि आदित्य ठाकरे यांचे फोटो वापरल्यावरून शिवसेना ठाकरे गटाने आक्षेप घेतला आहे. ठाकरेंचे फोटो आणि पक्षाच्या मशाल चिन्हाचा वापर तातडीने थांबवा, अन्यथा कायदेशीर कारवाई केली जाईल, असा इशारा ठाकरे गटाचे नेते विनायक राऊत यांनी दिला आहे.
मुंबई हायकोर्टाचा मोठा निर्णय! सार्वजनिक रस्त्यांवर फटाके फोडण्यास बंदी, डीजे-डॉल्बीवरही निर्बंध
ठाकरेंचे फोटो वापरण्यावरून वाद
पुणे पदवीधर मतदारसंघात महाविकास आघाडीकडून एकमताने उमेदवार दिला नसल्याचं चित्र आहे. शिवसेना ठाकरे गटाने सुनील मोदी यांना, तर राष्ट्रवादी काँग्रेस शरदचंद्र पवार पक्षाने हर्षदा देशमुख-जाधव यांना उमेदवारी दिली आहे. त्यामुळे दोन्ही पक्षांचे उमेदवार स्वतंत्रपणे निवडणुकीच्या मैदानात उतरले आहेत.
पुण्यात आजपासून 20 टक्के पाणीकपात लागू, पुणे आणि पिंपरी-चिंचवडकरांवर पाणीटंचाईचे संकट
यातच राष्ट्रवादी काँग्रेस शरदचंद्र पवार पक्षाच्या उमेदवाराच्या प्रचार साहित्यावर उद्धव ठाकरे आणि आदित्य ठाकरे यांचे फोटो वापरल्याने वाद निर्माण झाला आहे. ठाकरेंचे फोटो आणि मशाल चिन्ह वापरण्याचा अधिकार नसल्याची भूमिका ठाकरे गटाने घेतली आहे. हा वापर थांबवला नाही, तर कायदेशीर मार्गाने कारवाई केली जाईल, असं विनायक राऊत यांनी स्पष्ट केलं आहे.
तीन पदवीधर आणि दोन शिक्षक मतदारसंघांसाठी निवडणूक
महाराष्ट्र विधान परिषदेच्या तीन पदवीधर आणि दोन शिक्षक मतदारसंघांच्या निवडणुकीची घोषणा करण्यात आली आहे. जाहीर कार्यक्रमानुसार, 23 ऑक्टोबर 2026 रोजी मतदान होणार असून 27 ऑक्टोबर रोजी मतमोजणी होऊन निकाल जाहीर केला जाणार आहे.
मात्र, निवडणुकीच्या पार्श्वभूमीवर पुणे पदवीधर मतदारसंघातील उमेदवारी आणि प्रचार साहित्यावरून महाविकास आघाडीत मतभेद असल्याचं समोर आलं आहे. त्यामुळे या निवडणुकीत आघाडीतील पक्षांमध्ये समन्वय कसा राहणार, याकडे राजकीय वर्तुळाचं लक्ष लागलं आहे.