D. Y. Patil Engineering College : कसबा बावडा येथील डी. वाय. पाटील अभियांत्रिकी महाविद्यालयाच्या माजी विद्यार्थ्यांचा मेळावा लंडन येथील पार्क प्लाझा व्हिक्टोरियामध्ये उत्साहात झाला. मूळचे गडहिंग्लजचे आणि सध्या लंडनस्थित असणारे ‘कोका कोला’चे संचालक राजेश महाजन प्रमुख उपस्थित होते.
नोकरी तसेच व्यवसायानिमित्त लंडनमध्ये कार्यरत असलेले ४५ माजी विद्यार्थी यावेळी उपस्थित होते. यावेळी माजी विद्यार्थ्यांनी महाविद्यालयातील आठवणींना उजाळा देताना उच्चतम शैक्षणिक गुणवत्तेमुळे आम्ही प्रगती करू शकल्याची भावना व्यक्त केली.
डी. वाय. पाटील ग्रुपचे अध्यक्ष डॉ. संजय पाटील म्हणाले, “ग्रुपचे अनेक माजी विद्यार्थी जगभरात विविध देशांत मोठ्या पदावर काम करत आहेत, याचे समाधान वाटते. संस्थापक डी. वाय, पाटील यांनी दूरदृष्टीने १९८४ मध्ये संस्था स्थापन केली आणि माजी विद्यार्थ्यांनी जगभरात आपल्या कामातून संस्थेचा गौरव वाढवला, ही अभिमानाची गोष्ट आहे. माजी विद्यार्थी आमच्या संस्थेचे खरे ‘ अ‍ॅम्बेसिडर’ आहेत. संस्थेच्या विकासात त्यांचेही मोठे योगदान आहे.”
विश्वस्त तेजस पाटील म्हणाले, “गेल्या चार दशकांहून अधिक काळ अष्टपैलू विद्यार्थी घडवण्यासाठी संस्था कार्यरत आहे. यापुढील काळातही माजी विद्यार्थी व संस्था यांच्यातील कुटुंबाचे नाते दृढ करण्यासाठी विविध उपक्रम राबविले जातील.” प्राचार्य डॉ. महादेव नरके यांनी प्रास्ताविक केले. केमिकल विभागप्रमुख डॉ. के. टी. जाधव यांनी स्वागत केले.
‘ऊत’ चित्रपटाचा शानदार ट्रेलर प्रकाशित; जिद्दी युवकाच्या संघर्षाची कथा 21 नोव्हेंबरला चित्रपटगृहात
संचालक डॉ. अजित पाटील यांनी आभार मानले. चेतन ओझा, मेनका भारद्वाज, ऋषिकेश देशपांडे, संदीप पाटील, निकेत साबळे, अल्ताफ जसनाईक, प्रीती रणभिसे, ऋतुजा पाटील, सूरज पाटील आदी माजी विद्यार्थ्यांनी मनोगत व्यक्त केले, माजी विद्यार्थी विभाग समन्वयक डॉ. मनीषा भानुसे, साईदत्त सबनीस, अरिहंत आडके यांनी संयोजन केले.