पुण्यातील जैन बोर्डिंग जमीन प्रकरण! राजू शेट्टींचे गंभीर आरोप, मंत्री मुरलीधर मोहोळ यांचं स्पष्टीकरण

Muralidhar Mohol On Jain Barding Land Case : पुण्यातील निलेश घायवळ प्रकरण ताजे असतानाच आता केंद्रीय मंत्री मुरलीधर मोहोळ यांच्यावर जैन बोर्डिंग हाऊस जमीन व्यवहार प्रकरणात गंभीर आरोप करण्यात आले आहेत. याबाबत खळबळ उडाल्यानंतर मंत्री मुरलीधर मोहोळ यांनी स्वतःच्या माध्यमातून प्रतिक्रिया दिली आहे.

जैन बोर्डिंग हाऊस व्यवहार

यावेळी पत्रकार परिषदेत बोलताना मुरलीधर मोहोळ (Muralidhar Mohol) यांनी म्हटलंय की, मी चार दिवस पुण्याच्या बाहेर होतो. त्यामुळे या प्रकरणाबाबत केवळ माध्यमातूनच माहिती मिळाली. राजू शेट्टी यांनी ( Raju Shetty Allegations) काही आरोप केले, पण ते सत्य परिस्थितीशी जुळत नाहीत. मी पुणेकरांच्या (Pune News) विश्वासासाठी स्पष्ट करतो की, मी जैन बोर्डिंग हाऊस व्यवहारात सहभागी नव्हतो, असं मोहोळ यांनी सांगितलं. मी गोखले बिल्डरचा पार्टनर आहे. निवडणुकीच्या प्रतिज्ञापत्रात सर्वकाही माहिती दिली असल्याचं देखील मोहोळ यांनी स्पष्ट केलंय.

मुरलीधर मोहोळ यांनी स्पष्ट केले की, गोखले बिल्डरसोबतचे एलएलपी (Jain Barding Land Case) प्रकल्पात त्यांचा सहभाग फक्त 2023 मध्येच होता. 25 नोव्हेंबर 2024 रोजी ते दोन्ही एलएलपी मधून बाहेर पडले. माझा या व्यवहाराशी कोणताही संबंध 2024 नंतर नाही. जैन बोर्डिंग हाऊसची खरेदी आणि विक्री गोखले एलएलपी द्वारेच झाली असून माझे नाव त्या व्यवहारात नाही, असं मुरलीधर मोहोळ यांनी स्पष्ट केलंय.

सर्व सार्वजनिक दस्तऐवजांवर

त्यांनी सांगितले की, त्यांनी सर्व आर्थिक व्यवहार निवडणूक प्रतिज्ञापत्रात घोषित केले आहेत आणि हे सर्व सार्वजनिक दस्तऐवजांवर आधारित आहे. मी शेती व्यवसाय आणि बांधकाम व्यवसाय करत आहे, पण राजकारण्यांनी व्यवसाय केले तरी तो पूर्णपणे स्वच्छ आहे, असेही त्यांनी नमूद केले. मंत्री मोहोळ यांनी राजू शेट्टी यांच्यावर टोकाचे आरोप करताना संवाद न साधल्याबाबतही दुःख व्यक्त केले. जर त्यांनी प्रत्यक्ष भेटून किंवा कॉल करून विचारले असते, तर मी सत्य परिस्थिती स्पष्ट केली असती. चुकीच्या आरोपांमुळे एखाद्याचे राजकीय करियर प्रभावित होऊ शकते, असंही मोहोळ यांनी सांगितलं.

जैन बांधवांशी संवाद

मोहोळ यांनी पुढे म्हटले की, जैन बांधवांशी त्यांचा संवाद सुरू असून, त्यांना मदत करायची असल्यास ते तत्पर आहेत. मी पुणेकरांचा लोकप्रतिनिधी आहे, कोणत्या भागीदारीत राहता येईल किंवा नाही, याचे नियम मी पाळतो. या प्रकरणात कोणताही गैरसमज न राहावा, म्हणून स्पष्ट करतो, असे त्यांनी नमूद केले. अखेर, केंद्रीय मंत्री मोहोळ यांनी ही प्रकरणाची माहिती सर्व संबंधितांना देण्याची तयारी असल्याचे सांगितले आणि कोणताही प्रश्न असल्यास योग्य तपासणी करण्यासाठी खुली भूमिका ठेवली.