Two detained along with Shekru and Star turtles : पुणे रेल्वे स्थानक परिसरात वन्यजीवांच्या अवैध तस्करीचा मोठा पर्दाफाश झाला असून महसूल गुप्तचर संचालनालयाने केलेल्या धडक कारवाईत दोन जणांना ताब्यात घेण्यात आले आहे. गुप्त माहितीच्या आधारे पुढे प्रादेशिक युनिटच्या अधिकाऱ्यांनी ही कारवाई करत दुर्मिळ आणि संरक्षित वन्यजीवांची सुटका केली. या घटनेमुळे राज्यात पुन्हा एकदा वन्यजीव तस्करीचे जाळे सक्रिय असल्याचे समोर आले आहे.
डीआरआयला मिळालेल्या विशिष्ट माहितीनुसार काही जण पुण्यात संरक्षित वन्यजीवांची अवैध खरेदी-विक्री करण्याच्या तयारीत असल्याची माहिती मिळाली होती. त्यानंतर अधिकाऱ्यांनी संशयितांवर बारकाईने पाळत ठेवली. 20 मे 2026 रोजी पुण्यातील एका ठिकाणी पहिल्या संशयिताला अडवण्यात आले. त्याच्याकडे असलेल्या दोन पुठयाच्या बॉक्सची तपासणी केली असता त्यामध्ये अत्यंत क्रूरपणे लपवून ठेवलेले तीन जिवंत मालाबार जायंट स्क्विरल म्हणजेच महाराष्ट्राचे राज्यप्राणी असलेले शेकरू आढळून आले. या प्राण्यांची वाहतूक करताना त्यांना अत्यंत अरुंद जागेत ठेवण्यात आल्याचे देखील अधिकाऱ्यांच्या निदर्शनास आले.
पहिल्या संशयितांकडून मिळालेल्या माहितीनुसार डीआरआयच्या पथकाने तात्काळ दुसरी कारवाई करत पुण्यातील आणखी एका ठिकाणी दुसऱ्या आरोपीला पकडले. त्याच्या ताब्यातून सात जिवंत इंडियन स्टार टॉर्टॉईज म्हणजेच स्टार कासव जप्त करण्यात आले. या कासवांची आंतरराष्ट्रीय बाजारात मोठ्या प्रमाणात मागणी असून विदेशी पाळीव प्राणी व्यापारासाठी त्यांची तस्करी केली जाते. त्यामुळे या प्रकरणाकडे गंभीर गुन्हा म्हणून पाहिले जात आहे.
मोठी बातमी! राष्ट्रवादी काँग्रेस शरद पवार गटाचे प्रवक्ते विकास लवांडेंना अटक
मालाबार जायंट स्क्विरल अर्थात शेकरू हा वन्यजीव संरक्षण कायदा 1972 अंतर्गत अनुसूची 1 मध्ये समाविष्ट आहे. या प्राण्याची शिकार करणे, पकडणे किंवा विक्री करणे कायद्याने गुन्हा मानला जातो. तसेच इंडियन स्टार कासवांना देखील याच कायद्यानुसार सर्वोच्च स्तराचे संरक्षण देण्यात आले आहे. त्यामुळे त्यांचे बाळगणे, वाहतूक करणे किंवा व्यापार करणे पूर्णपणे बंदिस्त आहे. या कायद्याचे उल्लंघन करणाऱ्यांवर कठोर कारवाईची तरतूद आहे.
डीआरआयने जप्त केलेले सर्व वन्यजीव, आरोपी आणि त्यांच्याकडील पॅकिंग साहित्य पुढील तपासासाठी पुणे वनविभागाच्या ताब्यात दिले आहे. वनविभाग आता या प्रकरणामागील संपूर्ण तस्करी साखळी, संभाव्य खरेदीदार आणि या नेटवर्कशी संबंधित इतर आरोपींचा शोध घेत आहे. प्राथमिक तपासात हे रॅकेट राज्याबाहेरील काही तस्करांशी कोंडलेले असण्याची शक्यता वर्तवली जात आहे.
वन्यजीवांची तस्करी ही केवळ कायद्याचे उल्लंघन नसून पर्यावरणीय संतुलनासाठी देखील गंभीर धोका मानला जातो. दुर्मिळ प्राण्यांची अवैध शिकार आणि विक्रीमुळे जैवविविधतेवर पारिणाम होत असून अनेक प्रजाती नामशेष होण्याच्या उंबरठ्यावर पोहोचत आहेत. त्यामुळे अशा गुन्ह्यांविरोधात कठोर कारवाई करण्यासाठी डीआरआय आणि वनविभागाने संयुक्तपणे मोहीम अधिक तीव्र करण्याचे संकेत दिले आहेत. वन्यजीव संरकसहन आणि पर्यावरण संवर्धनासाठी गुप्त माहितीच्या आधारे अशाच प्रकारच्या कारवाया भविष्यात देखील सुरू राहतील, असा निर्धार डीआरआयने व्यक्त केला आहे.