मुंबई क्रिकेट असोसिएशनच्या अध्यक्षपदी अजिंक्य नाईक यांची बिनविरोध निवड झाली आहे. ( MCA Election ) अर्ज मागे घेण्यासाठी काही तासांचा अवधी शिल्लक असताना भाजपा नेते प्रसाद लाड यांनी अर्ज मागे घेतल्याने ही निवड झाली आहे.
भाजपाचे नेते प्रसाद लाड, राष्ट्रवादी काँग्रेसचे नेते जितेंद्र आव्हाड आणि शिवसेना ठाकरे गटाचे मिलिंद नार्वेकर यांचा या लढतीत आहेत. यासोबतच परिवहनमंत्री प्रताप सरनाईक यांचे चिरंजीव विहंग सरनाईक यांनीही अर्ज केला होता. परंतु, अध्यक्षपदाची निवडणूक ही सर्वात चुरशीची होती. कारण राजकीय डावपेचात कोण बाजी? मारणार याची उत्सुकता होती. हे असतानाच शेवटच्या क्षणी भाजपा नेते प्रसाद लाड यांनी अर्ज मागे घेतला आणि निवडणूक पालटली. अजिंक्य नाईक यांची अध्यक्षपदी बिनविरोध निवड झाली.
T20 World Cup 2026 कधी होणार? नवी माहिती मिळाली; भारतासाठी मात्र धोक्याची घंटा
अध्यक्षपदाच्या निवडणुकीसाठी शेवटच्या क्षणापर्यंत चुरस होती. अध्यक्षपदाच्या शर्यतीत असलेल्या सर्व उमेदवारांनी शेवटच्या क्षणी अर्ज मागे घेतल्याने अजिंक्य नाईक यांना पुन्हा अध्यक्षपद मिळालं आहे. पडद्यामागे बऱ्याच घडामोडी घडल्याचं दिसून आलं आहे. मुख्यमंत्री देवेंद्र फडणवीस, एमसीएचं अध्यक्षपद भूषवलेले शरद पवार आणि आशिष शेलार यांनी महत्त्वाची भूमिका बजावलेली आहे. रविवारी रात्रीपासूनच सर्व घडामोडी सुरू होत्या.
मुंबई क्रिकेट असोसिएशनच्या अध्यक्षपदाच्या शर्यतीत असताना अजिंक्य नाईक यांच्या उमेदवारीला आव्हान देणाऱ्या याचिकेवरील सुनावणी पूर्ण झाली. शहर दिवाणी न्यायालयाने हा निर्णय राखून ठेवला आहे. एमसीएच्या अध्यक्षपदाच्या शर्यतीत असलेल्या शाहआलंम शेख यांनी अजिंक्य नाईक याच्या उमेदवारीला आव्हान दिलं होतं. कुलिंग पीरियडच्या नियमानुसार अजिंक्य नाईक निवडणूक लढवू शकत नसल्याचा शहाआलंम शेख यांचा दावा आहे. तर सचिव आणि अध्यक्षपद यांचा कार्यकाळ एकच असल्याने कोणत्याही नियमांच उल्लंघन झाल नसल्याचं अजिंक्य नाईक यांचा दावा आहे.
12 नोव्हेंबरला होणार या पदांसाठी निवडणुका
अध्यक्षपदासाठीची निवडणूक बिनविरोध पार पडली आहे. त्यामुळे इतर पदांसाठी निवडणूक होणार आहे. ही निवडणूक 12 नोव्हेंबरला होणार आहे. उपाध्यक्षपदासाठी 9, सचिवपदासाठी 10, सहसचिवपदासाठी नऊ आणि खजिनदार पदासाठी 8 अर्ज आले आहेत. त्याचबरोबर कार्यकारीणी पदासाठी 48 अर्ज आले आहेत.