Champions Trophy 2025 New Zealand Beat Pakistan by 60 runs : आजपासून आयसीसी चॅम्पियन्स ट्रॉफी 2025 ची (Champions Trophy 2025) सुरुवात झाली. या स्पर्धेच्या पहिल्या सामन्यात पाकिस्तान आणि न्यूझीलंडचा (Pak vs NZ) सामना झाला. या सामन्यात न्यूझीलंडने पाकिस्तानला 60 धावांनी त्यांच्या स्वतःच्याच मैदानावर पराभवाची धूळ चारली आहे. यामध्ये विल यंग आणि टॉम लाथम यांच्या शतकांसह ग्‍लेन फिलिप्‍सच्या अर्धशतकाने न्यूझीलंडचा विजय पक्का केला. हे विजयासह न्यूझीलंड टीमने या टूर्नामेंटचा विजयाने सुरुवात केली आहे.
मुख्यमंत्रीपदी निवड होताच रेखा गुप्ता यांंचा दिल्लीकरांना शब्द, ‘प्रत्येकाच्या कल्याणासाठी अन्…’
या सामन्यात न्यूझीलंडचा सलामीवीर विल यंगने (Will Young) पाकिस्तानला धक्का देत आयसीसी चॅम्पियन्स ट्रॉफी 2025 मधील पहिले शतक झळकावले आहे. या सामन्यात 113 चेंडूंचा सामना करत 107 धावा केल्या. या दरम्यान त्याने 12 चौकार आणि एक षटकार मारला. हे त्याच्या एकदिवसीय कारकिर्दीतील चौथे शतक आहे.
आमदारकीला दोनदा पराभूत, पण आता थेट CM पदापर्यंत मजल; कोण आहेत रेखा गुप्ता?
यंगने आयसीसी स्पर्धेत पहिल्यांदाच शतक ठोकला आहे. विल्यमसनच्या खास क्लबमध्ये प्रवेश याच बरोबर त्याने दिग्गज फलंदाज केन विल्यमसनच्या खास क्लबमध्ये प्रवेश केला आहे. चॅम्पियन्स ट्रॉफीमध्ये शतक करणारा तो न्यूझीलंडचा चौथा खेळाडू ठरला. 2017 मध्ये झालेल्या चॅम्पियन्स ट्रॉफीमध्ये विल्यमसनने ऑस्ट्रेलियाविरुद्ध 100 धावा केल्या. 2000 मध्ये झालेल्या स्पर्धेत माजी किवी खेळाडू ख्रिस केर्न्सने भारताविरुद्ध नाबाद 102 धावा केल्या होत्या. 2004 मध्ये न्यूझीलंडचा माजी क्रिकेटपटू नॅथन अ‍ॅस्टलने अमेरिकेविरुद्ध नाबाद 145 धावा केल्या होत्या.
पारनेर, नगरकरांचा प्रवास होणार सुखद! पुणे-शिरुर उड्डाणपुलाच्या कामास लवकरच सुरूवात…
या सामन्यात टॉस गमावल्यानंतर फलंदाजीला आल्यानंतर न्यूझीलंड संघाने स्थिर सुरुवात केली. यंग आणि डेव्हॉन कॉनवे यांनी पहिल्या विकेटसाठी 39 धावांची भागीदारी केली. कॉनवेच्या बॅटमधून 17 चेंडूत फक्त 10 धावा आल्या. आठव्या षटकात अबरार अहमदने त्याला बाद केले. विल्यमसन देखील फक्त एक धाव करुन बाद झाला. त्यानंतर यंग आणि टॉम लॅथमने चौथ्या विकेटसाठी 118 धावांची भागीदारी केली. या दरम्यान त्याने आपले शतक पूर्ण केले.
