CSK vs PBKS : आयपीएलच्या 16व्या मोसमातील 41वा साखळी सामना अतिशय रोमांचकारी पद्धतीने संपला. पंजाब किंग्ज (PBKS) ने या सामन्याच्या शेवटच्या चेंडूवर चेन्नई सुपर किंग्जचा (CSK) 4 गडी राखून पराभव केला. 201 धावांच्या लक्ष्याचा पाठलाग करताना पंजाबच्या संघाने 19 षटकांत 192 धावा केल्या होत्या. यानंतर शेवटच्या षटकात त्यांना विजयासाठी 9 धावा करायच्या होत्या, त्यात त्यांनी 5 चेंडूत 6 धावा केल्या, त्यानंतर सिकंदर रझाने शेवटच्या चेंडूवर 3 धावा करून संघाला रोमांचक विजय मिळवून दिला.
या सामन्यातील पराभवानंतर चेन्नई सुपर किंग्ज संघाचा कर्णधार महेंद्रसिंग धोनीने निराशा व्यक्त केली आणि सांगितले की, जे काही करावे लागेल त्यासाठी तयार राहावे. या सामन्यात आम्ही फलंदाजी करत होतो, त्यावेळी शेवटच्या षटकात आम्ही 10 ते 15 धावा करू शकलो असतो. आमच्या गोलंदाजीत थोडी सुधारणा आवश्यक आहे. स्लोअर बॉल या खेळपट्टीवर थोडा चांगलाच ठरत होता.
महाराष्ट्रात पुढचा मुख्यमंत्री राष्ट्रवादीचाच; जयंत पाटलांना विश्वास
धोनी पुढे म्हणाला की मला वाटते की या खेळपट्टीवर 200 धावांची धावसंख्या खूपच चांगली होती. आम्ही सामन्यात दोन षटके खूप वाईट गोलंदाजी केली. परिस्थिती चांगली आहे हे आम्हाला माहीत होते पण तरीही आम्ही चांगली गोलंदाजी केली नाही. या सामन्यात पाथीरानाने चांगली गोलंदाजी केली. या सामन्यात पहिल्या 6 षटकांमध्ये आम्ही चांगली गोलंदाजी करायला हवी होती.
लिव्हिंगस्टनने सामन्यात पंजाबला परत आणले तर सिकंदरने सामना संपवला
201 धावांच्या लक्ष्याचा पाठलाग करताना पंजाब किंग्जचा संघही एका क्षणी सामन्यात पिछाडीवर पडताना दिसला.पण लियाम लिव्हिंग्स्टनची 24 चेंडूत 40 धावांची धडाकेबाज खेळी आणि त्यानंतर सिकंदर रझाने अवघ्या 7 चेंडूत 13 धावा केल्या. संघाला रोमहर्षक विजय मिळवून देण्यात मोलाची भूमिका बजावली. या विजयासह पंजाब आता १० गुणांसह गुणतालिकेत पाचव्या स्थानावर पोहोचला आहे