IND vs WI: भारतीय क्रिकेट नियामक मंडळ (BCCI) 27 जून रोजी वेस्ट इंडिज दौऱ्यासाठी टीम इंडियाची घोषणा करणार आहे. टीम इंडिया वेस्ट इंडिज दौऱ्यावर दोन कसोटी, तीन वनडे आणि पाच टी-20 सामन्यांची मालिका खेळणार आहे. या दौऱ्यासाठी अनेक वरिष्ठ खेळाडूंना विश्रांती दिली जाऊ शकते.
विराट कोहली आणि रोहित शर्मा यांना वनडे आणि टी-20 मालिकेत विश्रांती देण्यात येणार आहे. अशा परिस्थितीत हे दोन्ही खेळाडू केवळ दोन सामन्यांची कसोटी मालिका खेळणार आहेत. दुसरीकडे, मोहम्मद शमी आणि मोहम्मद सिराज यांना संपूर्ण वेस्ट इंडिज दौऱ्यासाठी विश्रांती दिली जाऊ शकते.
संजू सॅमसन, यशस्वी जैस्वाल, उमरान मलिक आणि अर्शदीप सिंग यासारख्या अनेक खेळाडूंचे एकदिवसीय, कसोटी आणि टी-20 मालिकेत खेळण्याची संधी मिळू शकते. सॅमसन आणि उमरान यांना पांढऱ्या चेंडूच्या संघात स्थान मिळण्याची शक्यता आहे, तर जैस्वाल आणि अर्शदीप यांना कसोटी संघात स्थान मिळण्याची शक्यता आहे. (ind-vs-wi-team-india-announced-for-west-indies-tour-on-june-27-virat-kohli-rohit-sharma-and-shami-siraj-will-get-rest)
हार्दिक पांड्या कसोटी संघात पुनरागमन करू शकतो
आपल्या एका वृत्तात, इनसाइड स्पोर्ट्सने बीसीसीआयच्या एका वरिष्ठ अधिकाऱ्याचा हवाला देत म्हटले आहे की, “हार्दिक पंड्या हा नक्कीच एक पर्याय आहे, पण कसोटीत परतल्यावर हार्दिकलाच निर्णय घ्यावा लागेल. निवडकर्त्यांना त्याला पांढऱ्या जर्सीत पाहायचे आहे. पण तो तिन्ही फॉरमॅटमध्ये खेळण्याच्या स्थितीत आहे का, विशेषत: तो एकदिवसीय क्रिकेटमधला महत्त्वाचा खेळाडू आहे, हे त्याने ठरवायचे आहे.”
आक्रमक भाजप नेत्यांची ‘तलवार’ अचानक म्यान; फडणवीस-बावनकुळेंची कार्यकर्त्यांना तंबी
भारताच्या वेस्ट इंडिज दौऱ्याचे संपूर्ण वेळापत्रक
कसोटी मालिका
पहिला सामना – 12 जुलै, बुधवार ते 16 जुलै, रविवार – विंडसर पार्क, रोसेओ, डॉमिनिका येथे.
दुसरा सामना – 20 जुलै, गुरुवार ते 24 जुलै, सोमवार – क्वीन्स पार्क ओव्हल, पोर्ट ऑफ स्पेन, त्रिनिदाद येथे.
एक दिवसीय मालिका
पहिला सामना – गुरुवार, 27 जुलै – केन्सिंग्टन ओव्हल, ब्रिजटाऊन, बार्बाडोस येथे.
दुसरा सामना – 29 जुलै, शुक्रवार – केन्सिंग्टन ओव्हल, ब्रिजटाऊन, बार्बाडोस येथे.
तिसरा सामना – 1 ऑगस्ट, मंगळवार – क्वीन्स पार्क ओव्हल, पोर्ट ऑफ स्पेन, त्रिनिदाद येथे.
टी20 मालिका
पहिला सामना – 4 ऑगस्ट, शुक्रवार – क्वीन्स पार्क ओव्हल, पोर्ट ऑफ स्पेन, त्रिनिदाद येथे.
दुसरा सामना – 6 ऑगस्ट, रविवार – प्रोव्हिडन्स स्टेडियम, गयाना येथे.
तिसरा सामना – 8 ऑगस्ट, मंगळवार – प्रोव्हिडन्स स्टेडियम, गयाना येथे.
चौथा सामना – 12 ऑगस्ट, शनिवार – सेंट्रल ब्रॉवर्ड रीजनल पार्क स्टेडियम टर्फ ग्राउंड, लॉडरहिल, फ्लोरिडा येथे.
पाचवा सामना – 13 ऑगस्ट, रविवार – सेंट्रल ब्रॉवर्ड रीजनल पार्क स्टेडियम टर्फ ग्राउंड, लॉडरहिल, फ्लोरिडा येथे.
