IND vs WI: भारतीय संघ आजपासून वेस्ट इंडिजविरुद्धच्या दोन कसोटी सामन्यांच्या मालिकेतून परिवर्तनाच्या कालखंडाला सुरुवात करेल. सध्या सर्वांचे लक्ष युवा यशस्वी जैस्वालवर असेल. विश्वचषक पात्रता फेरीतील पराभवाच्या जखमा यजमान वेस्ट इंडिजसाठी अजूनही ताज्या असून भारतासारख्या बलाढ्य संघाला हरवून जागतिक क्रिकेटमध्ये आपले अस्तित्व टिकवण्याचा त्यांचा प्रयत्न असेल. या सामन्यात यशस्वी-ईशान हे कसोटी क्रिकेटमध्ये पदार्पण करत आहेत. (IND vs WI : West Indies won the toss and decided to bat, Yashasvi-Ishaan made his debut)
भारतीय संघाने कॅरेबियन भूमीवर खेळल्या गेलेल्या शेवटच्या चार कसोटी मालिका जिंकल्या आहेत. वेस्ट इंडिजने शेवटची कसोटी मालिका 2002 मध्ये टीम इंडियाविरुद्ध जिंकली होती. तेव्हापासून भारताचे पूर्ण वर्चस्व राहिले आहे. तसं पाहिलं तर वेस्ट इंडिजचा संघ 21 वर्षांपासून भारताविरुद्ध एकही कसोटी जिंकू शकलेला नाही.
टीम इंडियाने वेस्ट इंडिजविरुद्ध एकूण 98 कसोटी सामने खेळले आहेत, ज्यात 22 जिंकले आणि 30 गमावले, तर 46 सामने अनिर्णित राहिले. भारताने वेस्ट इंडिजच्या भूमीवर 51 पैकी 16 कसोटी सामने जिंकले आहेत आणि नऊ गमावले आहेत. एकूणच, 21 व्या शतकात भारताने वेस्ट इंडिजविरुद्ध केवळ दोनच कसोटी सामने गमावले आहेत.
अजितदादा फरफटत जाणार नाहीत, योग्यवेळी ताकद दाखवतील; रोहित पवारांचे सूचक विधान…
नवी सलामी जोडी दिसणार
चेतेश्वर पुजाराच्या हकालपट्टीनंतर भारतीय टॉप ऑर्डरमध्ये जागा रिक्त आहे. यशस्वी ही पोकळी भरून काढेल आणि प्रथम श्रेणी क्रिकेटचा उत्कृष्ट फॉर्म येथे सुरू ठेवू शकेल, अशी अपेक्षा आहे. जरी त्याच्या फलंदाजीच्या क्रमाबद्दल काहीही स्पष्ट नाही. सराव सामन्यात त्याने रोहितसोबत सलामी दिली आणि कसोटीत त्याच्याकडून या नामांकित कर्णधारासोबत सलामीची अपेक्षा आहे. पुजाराच्या जागी शुभमन गिलला मैदानात उतरवले जाऊ शकते.
दोन्ही संघाची प्लेइंग इलेवन
भारतीय संघ : रोहित शर्मा (कर्णधार), शुभमन गिल, ऋतुराज गायकवाड, विराट कोहली, यशस्वी जैस्वाल, अजिंक्य रहाणे (उपकर्णधार), इशान किशन (यष्टीरक्षक), आर. अश्विन, रवींद्र जडेजा, शार्दुल ठाकूर, मोहम्मद सिराज, जयदेव उनाडकट
वेस्ट इंडीज संघ: क्रेग ब्रॅथवेट (कर्णधार), टेगेनर चंदरपॉल, रेमन रेफर, जर्मेन ब्लॅकवुड, अलिक अथानाझ, जोशुआ दा सिल्वा (विकेटकीपर), जेसन होल्डर, रहकीम कॉर्नवॉल, अल्झारी जोसेफ, केमार रोच, जोमेल वॉरिकन
