Shardul Thakur : वेस्ट इंडिजविरुद्धच्या 3 सामन्यांच्या एकदिवसीय मालिकेत कोणत्या एका भारतीय खेळाडूने चेंडूवर चमकदार कामगिरी केली असेल तर तो अष्टपैलू शार्दुल ठाकूर आहे. विश्वचषकापूर्वी या मालिकेत शार्दुलने ज्या पद्धतीने कामगिरी केली आहे, त्यावरून त्याचा निवडीचा दावा अधिकच भक्कम दिसत आहे. दुसरीकडे शार्दुलने विश्वचषक स्पर्धेतील आपल्या निवडीबद्दल सांगितले की, जर त्याची निवड झाली नाही तर तो त्यात काहीही करू शकत नाही. (shardul thakur reveals his odi world cup 2023 aspirations and says very wrong of me to think i will play for my spot in the wc)
शार्दुल ठाकूरने वेस्ट इंडिजविरुद्धच्या तिसऱ्या आणि निर्णायक सामन्यात कारकिर्दीतील सर्वोत्तम कामगिरी करताना 37 धावांत 4 बळी घेतले. तिसर्‍या एकदिवसीय सामन्यानंतर शार्दुल म्हणाला की, या मालिकेत मी 8 विकेट घेऊ शकलो याचा मला आनंद आहे. कधी तुम्ही चांगले खेळता तर कधी नाही. मी कोणतीही मालिका खेळतो, माझा आत्मविश्वास वाढतो.
शार्दुलने आपल्या वक्तव्यात पुढे म्हटले आहे की, मला संघात स्थान मिळवावे असे मला कधीच वाटत नाही. मी अशा मानसिकतेने खेळू शकत नाही कारण मी त्या प्रकारचा खेळाडू नाही. विश्वचषकासाठी संघात माझी निवड झाली नाही, तर मी काहीही करू शकणार नाही. हा निर्णय माझ्या हातात नाही. संघात माझी भूमिका आहे आणि त्यामुळेच गेल्या दोन वर्षांपासून मी एकदिवसीय सामन्यांचा अविभाज्य भाग आहे.
IND vs WI : टीम इंडिया सुसाट! तिसऱ्या वनडेत मोठा विजय, मालिकाही जिंकली
शार्दुलने 2019 विश्वचषकानंतर भारताकडून सर्वाधिक एकदिवसीय विकेट्स घेतल्या आहेत.
शार्दुल ठाकूरच्या वनडे फॉरमॅटमधील चमकदार कामगिरीचा अंदाज यावरून लावता येतो की त्याने 2019 च्या एकदिवसीय विश्वचषकानंतर भारतीय संघासाठी या फॉरमॅटमध्ये सर्वाधिक विकेट्स घेतल्या आहेत. शार्दुलने 33 सामन्यांत 28.35 च्या सरासरीने 52 विकेट घेतल्या आहेत. शार्दुलने आपल्या वक्तव्यात पुढे म्हटले आहे की, गेल्या 2 वर्षांत मी श्रीलंकेविरुद्ध घरच्या मैदानावर झालेली एक मालिका वगळता सर्व मालिका खेळलो आहे.
