मुंबई इंडियन्सचा कर्णधार आणि सलामीवीर रोहित शर्मा गेल्या मोसमाप्रमाणेच यावेळीही फ्लॉप ठरला आहे. आयपीएल 2023 मध्ये त्याला 10 डावात 200 धावाही पूर्ण करता आल्या नाहीत. त्याचा स्ट्राईक रेटही खूपच कमी आहे. अशा परिस्थितीत रविवारी चेन्नई सुपर किंग्जविरुद्ध तीन चेंडू खेळूनही तो एकही धाव न काढता बाद झाला, तेव्हा समालोचक श्रीकांतने त्याच्यावर मोठी टीका केली. त्याने रोहित शर्माला नवीन नावही दिले.
रोहित बाद होताच माजी भारतीय क्रिकेटपटू आणि सध्या समालोचक श्रीकांत म्हणाला, ‘रोहित शर्माने त्याचे नाव बदलून “नो हिट शर्मा” करावे. मी जर मुंबई इंडियन्सचा कर्णधार असतो तर त्याला अकरा खेळाडूंमध्येही स्थान दिले नसते.
सीएसकेविरुद्ध शून्यावर बाद होण्यासोबतच रोहितने एक लाजिरवाणा विक्रमही आपल्या नावावर केला आहे. आयपीएलमध्ये तो सर्वाधिक वेळा शून्यावर आऊट झालेला खेळाडू ठरला आहे.
सीमाभागातील जनतेला सोडून दोन मंत्री कोणत्या बिळात लपले? राऊतांची सत्ताधाऱ्यांवर टीका
गेल्या एक वर्षापासून रोहित पूर्णपणे फ्लॉप आहे
या मोसमात आतापर्यंत रोहित शर्माने 10 डावांत केवळ 18. 40 च्या फलंदाजीच्या सरासरीने 184 धावा केल्या आहेत. यादरम्यान त्याचा स्ट्राइक रेटही126.90 राहिला आहे. गेल्या मोसमातही रोहित फॉर्ममध्ये नव्हता. गेल्या मोसमात त्याने 14 डावात एकूण 268 धावा केल्या होत्या. यादरम्यान त्याची फलंदाजी सरासरी केवळ 19.14 होती. हिटमॅनचा स्ट्राइक रेटही 120 पर्यंत मर्यादित होता.
रोहित शर्मा गेल्या वर्षभरापासून केवळ आयपीएलमध्येच नाही तर आंतरराष्ट्रीय क्रिकेटमध्येही फ्लॉप होत आहे. क्रिकेटच्या तिन्ही फॉरमॅटमध्ये त्याच्या बॅटमधून धावा निघत नाहीत. जेव्हापासून त्याने कर्णधारपदाची सूत्रे हाती घेतली, तेव्हापासून त्याचे वाईट दिवस सुरू झाले आहेत.
