चीकू अजून लहानच, कोहलीच्या फोटोवर चाहत्यांच्या भन्नाट कमेंट

Virat Kohli Post On Tweet : सध्या लीगमध्ये विराट कोहली जबरदस्त फॉर्ममध्ये दिसत आहे. कोहलीने या स्पर्धेत आतापर्यंत खेळल्या गेलेल्या एकूण चार सामन्यांमध्ये तीन अर्धशतके झळकावली आहेत. यावेळी त्याचे वेगळे रूप मैदानावर पाहायला मिळत आहे. या मोसमात कोहली मैदानावर अतिशय आक्रमक फॉर्ममध्ये दिसत आहे. विराट कोहली हा सध्याच्या क्रिकेटमधील सर्वात फिट खेळाडूंपैकी एक आहे. पण त्याने ट्विटरवर अशी एक पोस्ट शेअर केली, ज्यामध्ये त्याचे वेगळेच रूप पाहायला मिळाले. कोहलीच्या या पोस्टवर कमेंट करताना एका चाहत्याने लिहिले की, जबाबदारीने तो मोठा केला आहे, नाहीतर चीकू अजून लहान आहे.

दिल तो बच्चा है जी

विराट कोहलीने त्याच्या अधिकृत ट्विटर हँडलवरून दोन फोटो शेअर केले आहेत. या फोटोंमध्ये कोहली झुल्यासारखे काहीतरी आहे त्यावर तो बसला आहे. दोन्ही फोटोंमध्ये किंग कोहली अतिशय गोंडस स्मितहास्य करताना दिसत आहे. या फोटोंना कॅप्शन देत कोहलीने लिहिले की, “दिल तो बच्चा है जी.” चाहत्यांना कोहलीचे हे फोटो खूप आवडत आहेत. या दोन्ही फोटोंमध्ये कोहलीचे वेगळे रूप दिसले, जे मैदानात कोहलीपेक्षा पूर्णपणे वेगळे आहे.

‘चीकू आज भी है बच्चा’

कोहलीच्या या फोटोंना चाहते भरभरून प्रेम देत आहेत. काही काळापूर्वी शेअर केलेल्या या फोटोंना जवळपास 50,000 लाईक्स मिळाले आहेत. त्याचबरोबर शेकडो लोक कमेंट करून आपापल्या प्रतिक्रिया देत आहेत. दरम्यान, एका चाहत्याने कोहलीच्या छायाचित्रासह असे ट्विट केले, ज्याने सर्वांची मनं जिंकली. चाहत्याने कोहलीचा फोटो ट्विट करत लिहिले की, “जबाबदारांनी मोठी केले नाहीतर चिकू अजून लहान आहे.”

विशेष म्हणजे, किंग कोहली अजूनही लीगमध्ये उत्कृष्ट फॉर्ममध्ये दिसत आहे. सर्वाधिक धावा करणाऱ्या फलंदाजांच्या यादीत कोहली टॉप-५ मध्ये आहे. आतापर्यंत झालेल्या चार सामन्यांमध्ये कोहलीने 71.33 च्या सरासरीने आणि 147.59 च्या स्ट्राईक रेटने 214 धावा केल्या आहेत.