Bapusaheb Pathare : वडगावशेरी विधानसभा मतदारसंघाचे (Vadgaonsheri Assembly Election) महाविकास आघाडीचे (MVA) अधिकृत उमेदवार बापूसाहेब पठारे (Bapusaheb Pathare) यांनी नवी खडकी तसेच वडगावशेरी येथील भैरवनाथ मंदिरात (Bhairavanath Temple) श्रीफळ वाढवून प्रचाराचा शुभारंभ केला. तसेच, भैरवनाथाच्या चरणी विजयाचे साकडे घातले. शुभारंभा प्रसंगी काढण्यात आलेल्या पदयात्रेत बहुसंख्य नागरिकांनी सहभाग दर्शविला.
सार्वत्रिक विधानसभा निवडणुकीच्या पार्श्वभूमीवर बलिप्रतिपदा व भाऊबीज सणाच्या मुहूर्त साधून शुभारंभ करण्यात आला. मागील दोन दिवसांपासून पुणे शहरातील सर्वच उमेदवारांच्या प्रचाराची धामधूम दिसून आली. प्रचाराचा शुभारंभ करताना बापूसाहेब पठारे म्हणाले, कि “हा केवळ प्रचाराचा शुभारंभ नाही, तर मतदारसंघाच्या सर्वांगीण विकासाचा आणि माझ्या नागरिक बांधवांच्या उन्नतीचा शुभारंभ आहे.
Assembly Election : नगर, शिर्डी, श्रीगोंद्यात बंडखोरी; चार मतदारसंघात सरळ लढती
प्रचंड मोठ्या प्रमाणात माझ्या पाठीशी असलेल्या नागरिकांचा दिसणाऱ्या प्रतिसादाने विजयाची समीकरणे सोपी केली आहेत. नागरिकांचा माझ्या कार्यपद्धतीवर व दुरदृष्टीवर विश्वास आहे आणि येणाऱ्या काळात या विकासाच्या रूपात हा विश्वास मी सार्थ करणार आहे.” दोन्ही ठिकाणी पार पडलेल्या शुभारंभाप्रसंगी तरुण तसेच महिला वर्गापासून आबालवृद्धांपर्यंत गर्दी दिसून आली. यावेळी महाविकास आघाडीचे पदाधिकारी व कार्यकर्ते उपस्थित होते.
पालघरमध्ये मंत्री रविंद्र चव्हाणांची खेळी; अनेक जण पक्षात घेत भाजपची ताकद वाढवली !
