Ayodhya Ram Mandir : 22 जानेवारीला अयोध्येतील राम मंदिरात रामलल्लाचा प्राणप्रतिष्ठा (Ayodhya Ram Mandir) सोहळा होणार आहे. याआधी राम मंदिराच्या (Ram Mandir) प्राणप्रतिष्ठा सोहळ्याच्या निमंत्रणावरून राजकारण तापले आहे. घरोघरी राम ज्योती पेटवण्याच्या भाजपच्या आवाहनावर टीका होत आहे. खासदार संजय राऊत (Sanjay Raut) म्हणाले की, त्यांच्या पक्षाच्या या कार्यक्रमाचे निमंत्रण पाठवले गेले नाही. यावर मुख्य पुजारी सत्येंद्र दास यांनी प्रत्युत्तर दिले आहे.
खासदार संजय राऊत यांच्या वक्तव्यावर रामजन्मभूमीचे मुख्य पुजारी आचार्य सत्येंद्र दास म्हणाले, संजय राऊत यांना खूप वेदना आहेत, ते वेदना व्यक्त करू शकत नाहीत म्हणून ते प्रभू रामाला यात ओढत आहेत. भाजपने श्रद्धा आणि विश्वासावर सत्ता मिळवली आहे. पण प्रभू रामांना राजकारणात आणून सत्ता मिळवली नाही. ज्यांनी प्रभू राम नाकारले त्यांचा पराभव झाला आणि ज्यांनी त्यांना स्वीकारले ते आज सत्तेत आहेत.
‘संजय राऊतांची अवस्था पोपटासारखी’.. अजितदादा गटाच्या आमदाराचा पलटवार
काय म्हणाले संजय राऊत?
संजय राऊत म्हणाले, राम आमचा आहे, असे जर कोणी म्हणत असेल तर ते रामाला कमी लेखत आहेत. आमच्या पक्षाने रामासाठी बलिदान दिले आहे. आता भाजपचे सरकार अयोध्येतूनच चालेल असे वाटते. पीएमओ ते भाजप कार्यालय हे सर्व काही अयोध्येतूनच चालेल. 22 जानेवारीनंतर भाजप श्रीराम यांना पक्षाकडून उमेदवार करेल.
#WATCH अयोध्या: शिवसेना(UBT) सांसद संजय राउत के बयान पर राम जन्मभूमि के मुख्य पुजारी आचार्य सत्येंद्र दास ने कहा, "संजय राउत को बहुत दर्द है, वे दर्द व्यक्त नहीं कर सकते हैं इसलिए भगवान राम को इसमें घसीट रहे हैं… भाजपा ने आस्था और विश्वास पर सत्ता प्राप्त की है न कि भगवान राम… pic.twitter.com/CLlkjHlLEG
— ANI_HindiNews (@AHindinews) December 31, 2023
संजय राऊत यांना राम मंदिराच्या प्राणप्रतिष्ठा सोहळ्याला जाण्याबाबत विचारले असता ते म्हणाले की, मी भाजपच्या कार्यक्रमाला जाणार नाही, ही भाजपची रॅली आहे. या कार्यक्रमानंतर ते रामललाच्या दर्शनासाठी अयोध्येला जाणार आहेत.
राम मंदिर निमंत्रणाचे राजकारण करु नका, शिंदे गटाचा उद्धव ठाकरेंना सल्ला
रामलल्लाच्या प्राणप्रतिष्ठा सोहळ्यासाठी देशभरातील सुमारे 4 हजार लोकांना आमंत्रित करण्यात आले आहे. विरोधी पक्षांच्या म्हणजेच इंडिया अलायन्सच्या अनेक नेत्यांनाही आमंत्रित करण्यात आले आहे.
