Swapnil Joshi new Project : वर्ष सरतंय नव्या वर्षाची चाहूल लागली आहे. पण २०२४ या वर्षातील घडामोडींचा आढावा घेताना मराठी चित्रपटसृष्टीतील आघाडीचा अभिनेता स्वप्निल जोशीसाठी (Swapnil Joshi) हे वर्ष लकी ठरलं आहे. या वर्षात स्वप्निलच्या कामांचा आलेख वाढत जाणारा ठरला आहे. २०२४ या वर्षाची सुरुवात स्वप्निले निर्मिती विश्वात नशीब आजमावून केली. हाऊसफुल्ल या चित्रपटाची निर्मिती स्वप्निलने केली. त्याच्या या चित्रपटाचं कौतुकही झालं.
२०२४ वर्षात स्वप्निल जोशीची निर्मिती असलेला चित्रपट “नाच गं घुमा” बॉक्स ऑफिसवर सुपरहिट ठरला आणि पुढे हा सिलसिला असाच सुरू राहिला. दुहेरी भूमिका बजावताना अनेक आव्हानं देखील आली पण अभिनय आणि निर्मिती यांची योग्य सांगड घालत स्वप्नीलने हे वर्ष गाजवलं. ‘नाच गं घुमा’, ‘बाई गं’, ‘नवरा माझा नवसाचा 2’ अशा धमाकेदार चित्रपटातून त्याने प्रेक्षकांना आपलंसं केलं. आता त्याच्या ‘वाळवी’ चित्रपटाने नॅशनल अवॉर्ड सुद्धा पटकावला. काम जे जोरदार झालं पाहिजे असं स्वप्नील नेहमीच म्हणतो आणि म्हणून 2024 वर्ष हे त्याने खऱ्या अर्थाने सुपरहिट केलं आहे.
स्वप्नीलने वर्ष संपत असताना अजून एका निर्मितीची घोषणा केली आणि चाहत्यांना डबल सरप्राईज दिलंय. सुशीला-सुजीत या आगामी चित्रपटात तो निर्माता आणि अभिनेता या दुहेरी भूमिका साकारताना दिसणार आहे. नुकतीच सुशीला-सुजीत चित्रपटाची रिलीज डेट जाहीर झाली असून १८ एप्रिल २०२५ रोजी हा चित्रपट प्रेक्षकांच्या भेटीला येणार आहे.
वर्ष संपतय पण स्वप्नीलच्या नव्या प्रोजेक्ट्सची एका मागोमाग एक यादी मोठी आहे असं म्हणणं वावगं ठरणार नाही. कारण त्याने वर्ष सरताना पहिल्या वहिल्या गुजराती चित्रपटाची घोषणा केली आहे. “शुभचिंतक ” असं या गुजराती चित्रपटाचं नाव असून येणाऱ्या वर्षात स्वप्नील गुजराती प्रेक्षकांचं मनोरंजन करण्यासाठी सज्ज झाला आहे. आगामी वर्षात स्वप्नील १७ जानेवारीला ‘जिलबी’ तर 18 एप्रिलला सुशीला-सुजीत हे दोन नवेकोरे चित्रपट घेऊन प्रेक्षकांच्या भेटीला येणार आहे. नव्या वर्षात स्वप्नील अजून कोणकोणत्या प्रोजेक्ट्सचा भाग होणार हे पाहणं आता उत्सुकतेच ठरणार आहे.
नानांच्या ‘वनवास’ला थंड प्रतिसाद; पहिल्याच दिवशी फक्त ‘इतकी’ कमाई
