आदित्य चोप्रांच्या ‘कम फॉल इन लव्ह-द डीडीएलजे म्युझिकल’ मध्ये जेना पंड्या आणि ऍशली डे मुख्य भूमिकेत

Come Fall in Love – The DDLJ Musical : भारताच्या चित्रपटसृष्टीतील सर्वात मोठ्या ब्लॉकबस्टर चित्रपटांपैकी एक दिलवाले दुल्हनिया ले जायेंगे (DDLJ)वर आधारित नवीन म्युझिकल कॉमेडी कम फॉल इन लव्ह – द डीडीएलजे म्युझिकल मध्ये थिएटर कलाकार जेना पंड्या आणि ऍशली डे मुख्य भूमिकेत झळकणार आहेत. या संगीतमय नाटकात जेना पंड्या सिमरन आणि ऍशली डे रॉग (रॉजर) यांची भूमिका साकारणार आहेत.

ऐतिहासिक वारसा

DDLJ हा भारतीय चित्रपटसृष्टीतील सर्वात जास्त काळ चालणारा चित्रपट आहे, जो 1995 पासून मुंबईत अखंड सुरू आहे. याच ऐतिहासिक वारशावर आधारित कम फॉल इन लव्ह – द डीडीएलजे म्युझिकल आदित्य चोप्रा यांच्या दिग्दर्शनाखाली सादर होत आहे. या नाटकाचा UK प्रीमियर 29 मे 2025 रोजी मँचेस्टर ओपेरा हाऊसमध्ये होणार असून, 21 जून 2025 पर्यंत हे नाटक रंगभूमीवर असेल.

कलाकारांची प्रतिक्रिया

जेना पंड्या (भांग्रा नेशन, मम्मा मिया) हे आपल्या भूमिकेबद्दल बोलताना म्हणाले, कम फॉल इन लव्ह  द डीडीएलजे म्युझिकल’ मध्ये सिमरनची भूमिका साकारायला मिळणे ही खूप मोठी गोष्ट आहे. DDLJ हा केवळ चित्रपट नाही, तर भारताच्या संस्कृतीचा अविभाज्य भाग आहे. ही कथा मंचावर सादर करणे माझ्यासाठी अत्यंत आनंदाची गोष्ट आहे.

कान्सचं बिगुल वाजलं! मराठी चित्रपटांना सहभागी होण्याची सुवर्ण संधी

ऍशली डे म्हणाले, “हे नाटक म्हणजे एक अप्रतिम रोमँटिक कॉमेडी आहे. संहिता प्रचंड विनोदी आणि हृदयस्पर्शी आहे. मला यात सगळ्यात आवडलेली गोष्ट म्हणजे दोन वेगवेगळ्या संस्कृती आपल्या मूळ विचारांशी प्रामाणिक राहून एका मोठ्या प्रवासाचा भाग होतात. संगीतही अनोखं आहे. ब्रॉडवे थिएटर आणि पंजाबी पॉपचा अद्वितीय संगम. हे नाटक कुटुंब, प्रेम, सहानुभूती आणि खरी, प्रामाणिक भावना जपण्याबाबत आहे. आजच्या जगात हा संदेश अधिक महत्त्वाचा आहे.”

कलाकारांची दमदार कारकीर्द

जेना पंड्या यांनी नुकतीच भांग्रा नेशन या म्युझिकलमध्ये मुख्य भूमिका साकारली होती, तर मम्मा मिया मध्येही त्यांनी प्रमुख भूमिका केली आहे. ऍशली डे यांनी डायनेस्टी (नेटफ्लिक्स) मालिकेत कॉलिन मॅकनॉटन ही व्यक्तिरेखा साकारली आहे. तसेच ब्रॉडवे आणि वेस्टएंड थिएटरमध्ये त्यांनी 42nd स्ट्रीट, फनी गर्ल, हाय स्कूल म्युझिकल, मेरी पॉपिन्स यांसारख्या अनेक नाटकांमध्ये महत्त्वाच्या भूमिका केल्या आहेत.

सांगीतिक जादू व भव्य निर्मिती

संगीतकार जोडी विशाल-शेखर (विशाल ददलानी आणि शेखर रावजियानी) यांनी संगीत दिले आहे. नाटकाचे गीत-संहिता लेखन नेल बेंजामिन (मीन गर्ल्स, लीगली ब्लॉन्ड) यांनी केले आहे. कोरिओग्राफी रॉब ऍशफोर्ड (टोनी, ऑलिव्हियर आणि एमी पुरस्कार विजेते) यांची असून, भारतीय नृत्यदिग्दर्शन श्रुती मर्चंट यांनी केले आहे. निर्मिती संघामध्ये प्रमुख व्यक्ती म्हणून डेरेक मॅक्लेन (सेट डिझाईन), जाफी वेडमन (लाईटिंग), टोनी गायल (साउंड डिझाईन), अखिला कृष्णन (व्हिडिओ डिझाईन), आणि बेन होल्डर (संगीत दिग्दर्शन) यांचा समावेश आहे.