Tripti Dimri New Project: ‘अ‍ॅनिमल’ हा (Animal) चित्रपट सध्या चर्चेत आहे आणि त्याहूनही जास्त चर्चा आहे ती या चित्रपटातील रणबीर कपूर (Ranbir Kapoor)-तृप्ती डिमरी (Tripti Dimri) यांच्या रोमान्सची. दोघांच्या इंटीमेट सीन्सने सोशल मीडियावर (Social media) धुमाकूळ घातला आहे. आता विकी कौशलच्या (Vicky Kaushal) आगामी सिनेमाच्या शूटिंगचा एक फोटो इंटरनेटवर व्हायरल होत आहेत. यामध्ये तृप्ती डिमरी आणि विकी कौशल रोमान्स करताना दिसत आहेत.
Triptii Dimri
आता लवकरच तृप्ती विकी कौशलसोबत मोठ्या पडद्यावर दिसणार आहे. सध्या दोघेही ‘मेरे मेहबूब मेरे सनम’ या चित्रपटाचे शूटिंग करत असून शूटमधील काही फोटो व्हायरल होत आहेत. ‘साम बहादूर’ नंतर विकी कौशल आता एका नव्या प्रोजेक्टवर काम करत आहे. नॅशनल क्रश बनलेल्या तृप्ती डिमरी या प्रोजेक्टमध्ये त्यांच्यासोबत काम करत आहेत.
‘मेरे मेहबूब मेरे सनम’ या चित्रपटात विकी आणि तृप्ती पहिल्यांदाच एकत्र दिसणार आहेत. हा चित्रपट धर्मा प्रोडक्शनच्या बॅनरखाली बनत आहे. आता रणबीरनंतर विकी कौशलसोबत तृप्ती डिमरीची जोडी खूप आवडेल, याचा अंदाज सोशल मीडियावरील प्रतिसादावरून लावता जात आहे. त्यांना एकत्र पाहून चाहते खूप आनंदी आहेत आणि त्यांचे कौतुक करत आहेत.
Box Office Collection: बॉक्स ऑफिसवर ‘अ‍ॅनिमल’ने रचला इतिहास, रणबीर कपूरचा बोलबाला
तृप्ती डिमरी यांनी विकीचे कौतुक केले होते
1 डिसेंबर रोजी विकी कौशलचा ‘सॅम बहादूर’ चित्रपट थिएटरमध्ये प्रदर्शित झाला होता, विकीने देशातील पहिले फील्ड मार्शल सॅम माणेकशॉ यांची भूमिका साकारली होती आणि यासाठी त्याला चाहत्यांची खूप पसंती मिळाली. तृप्तीनेही विकीचे खूप कौतुक केले आणि त्याला ‘रब दा बंदा’ म्हटले आहे. विक्की कौशलने सोशल मीडियावर एक पोस्ट शेअर केली होती. त्यामध्ये तिने लिहिले आहे की, “ये आणि एका खऱ्या सैनिकाच्या अविचल भावनेचे साक्षीदार व्हा.” ही पोस्ट शेअर करताना तृप्तीने लिहिले होते की, “तू खरोखर देव आहेस, तू स्टार आहेस. हा चित्रपट पाहण्यासाठी प्रतीक्षा करू शकत नाही, अशी पोस्ट अभिनेत्रीने केली होती.
काही दिवसांपूर्वी विकी कौशलने तृप्ती डिमरीसोबतच्या त्याच्या आगामी चित्रपटाविषयी सोशल मीडियावर माहिती दिली होती. तिने त्याला आपला बहुप्रतिक्षित प्रकल्प असल्याचे सांगितले आहे. या दोघांशिवाय पंजाबी गायक/अभिनेता एमी विर्क देखील या चित्रपटात असणार आहे.
