Allu Arjun On Pushpa 2: गेल्या काही वर्षांत भारतीय चित्रपटसृष्टीत खूप बदल झाला आहे. आता मोठ्या बजेट आणि महागड्या स्टारकास्टसह चित्रपट बनवले जात आहेत. त्यात KGF आणि RRR सारख्या अनेक चित्रपटांच्या नावांचा समावेश आहे. या चित्रपटांनी जगभरात यश मिळवले आहे. दरम्यान, हिंदी आणि दाक्षिणात्य चित्रपटांमध्येही मोठा बदल पाहायला मिळत आहे. म्हणजेच दोघांमधील अंतर खूप कमी झाले आहे. आता अल्लू अर्जुननेही (Allu Arjun) सिनेमाला भाषेमुळे मर्यादित ठेवू नये, असे म्हटले आहे.
‘पुष्पा’नंतर (Pushpa) अल्लू अर्जुनची फॅन फॉलोइंग खूप वाढली आहे. अभिनेत्याला प्रत्येक मूल पुष्पराज नावाने ओळखते. बॉलीवूड आणि साऊथमधील भाषेचे बंधन तो त्याच्या चित्रपट आणि पॅन इंडियाच्या रिलीजद्वारे काढून टाकणार असल्याचे त्याने अलीकडेच सांगितले आणि ते हटवणारा तो पहिला अभिनेता बनणार आहे. अल्लूने एका मुलाखतीत सांगितले की, “बॉलिवूड एक नवीन सुरुवात आणि बदलातून जात आहे आणि मला या बदलामध्ये आघाडीवर राहायचे आहे.
मला बॉलीवूड आणि जागतिक सिनेमामधली दरी भरून काढायची आहे.”मला एक अनोखा सिनेमॅटिक अनुभव तयार करायचा आहे जो जगभरातील प्रेक्षकांना आवडेल. यासह अल्लूने बहु-शैलीचे स्वरूप आणि नवीन कथा कल्पना आणि पारंपारिक चित्रपटांच्या निर्मितीवर भर दिला.
Box Office: राजकुमार रावचा ‘श्रीकांत’ बॉक्स ऑफिसवर ठरला अव्वल, 45 कोटींच्या गाठला पल्ला
‘पुष्पा 2’
अल्लूचा ‘पुष्पा 2’ यावर्षी 15 ऑगस्टला रिलीज होणार आहे. यामध्ये तो रश्मिका मंदान्नासोबत दिसणार आहे. या चित्रपटाचे एक गाणे यापूर्वीच रिलीज झाले आहे, ज्याला प्रेक्षकांचा चांगला प्रतिसाद मिळाला आहे. त्याच्या गाण्याला 100 मिलियन व्ह्यूज मिळाले आहेत. आता त्याचे दुसरे गाणे 29 मे रोजी येणार आहे. त्याचा प्रोमो नुकताच रिलीज झाला. यासोबतच या चित्रपटाचे दुसरे गाणे 6 भाषांमध्ये प्रदर्शित होणार असल्याची माहिती त्यांनी दिली होती. फहद फासिल आणि प्रकाश राज देखील या चित्रपटात दिसणार आहेत.
