Emergency Movie: कंगना राणौत (Kangana Ranaut) दिग्दर्शित आणि स्टारर आगामी ‘इमर्जन्सी’ (Emergency Movie) हा चित्रपट बऱ्याच दिवसांपासून वादात सापडला आहे. खरं तर, शिरोमणी अकाली दलासह शीख संघटनांनी कंगना राणौतच्या चित्रपटावर त्यांच्या समुदायाला चुकीच्या प्रकाशात दाखवल्याचा आणि ऐतिहासिक तथ्यांशी छेडछाड केल्याचा आरोप केला आहे. या चित्रपटाला सेंट्रल बोर्ड ऑफ फिल्म सर्टिफिकेशन (CBFC) कडूनही प्रमाणपत्र मिळालेले नाही. अशा स्थितीत या प्रकरणावर आज मुंबई उच्च न्यायालयात सुनावणी (Bombay High Court) झाली आणि उच्च न्यायालयाने (High Court) सीबीएफसीला या प्रकरणी 25 सप्टेंबरपर्यंत निर्णय घेण्याचे निर्देश दिले आहेत.
सीबीएफसीने 25 सप्टेंबरपर्यंत निर्णय घेण्याचे निर्देश
पीटीआयच्या म्हणण्यानुसार, मुंबई उच्च न्यायालयाने गुरुवारी सांगितले की सर्जनशील स्वातंत्र्य आणि अभिव्यक्ती स्वातंत्र्य रोखले जाऊ शकत नाही आणि कायदा आणि सुव्यवस्थेच्या समस्येची भीती असल्याने सेन्सॉर बोर्ड चित्रपटाला प्रमाणपत्र नाकारू शकत नाही. न्यायमूर्ती बीपी कुलाबावाला आणि फिरदोश पूनीवाला यांच्या खंडपीठानेही प्रमाणपत्र जारी करण्याबाबत निर्णय न घेतल्याबद्दल सेंट्रल बोर्ड ऑफ फिल्म सर्टिफिकेशन (सीबीएफसी) बद्दल नाराजी व्यक्त केली आणि 25 सप्टेंबरपर्यंत निर्णय घेण्याचे आदेश दिले. सीबीएफसीला या देशातील लोक इतके निर्दोष आहेत की, ते चित्रपटात दाखवलेल्या प्रत्येक गोष्टीवर विश्वास ठेवतात का, असा प्रश्न विचारण्यात आला होता.
याचिकाकर्ते काय म्हणाले?
याचिकाकर्त्याने दावा केला होता की, सीबीएफसी राजकीय कारणांमुळे चित्रपटाला प्रमाणपत्र देण्यास विलंब करत आहे. त्यावर उच्च न्यायालयाने चित्रपटाची सहनिर्माती कंगना राणौत स्वत: भाजपची विद्यमान खासदार असल्याचे सांगितले आणि सत्ताधारी पक्ष आपल्याच खासदाराच्या विरोधात काम करत आहे का असा सवाल केला. या चित्रपटात माजी पंतप्रधान दिवंगत इंदिरा गांधी यांची मुख्य भूमिका करण्याव्यतिरिक्त, चित्रपटाची दिग्दर्शिका आणि सह-निर्माती कंगना रणौतने या आठवड्याच्या सुरुवातीला CBFC वर रिलीजला उशीर करण्यासाठी प्रमाणपत्र रोखल्याचा आरोप केला होता.
न्यायालयाने सीबीएफसीला निर्णय घेण्याचे आदेश
खंडपीठाने म्हटले की, “तुम्हाला (सीबीएफसी) एक ना एक प्रकारे निर्णय घ्यावा लागेल. हा चित्रपट प्रदर्शित होऊ शकत नाही, असे सांगण्याचे धाडस तुमच्यात असले पाहिजे, तेव्हा तरी आम्ही तुमच्या धाडसाचे कौतुक करू. आम्हाला सीबीएफसी नको आहे. झी एंटरटेनमेंट एंटरप्रायझेसने दाखल केलेल्या याचिकेवर न्यायालयात सुनावणी सुरू होती, ज्यात CBFC ला “इमर्जन्सी” चित्रपटासाठी प्रमाणपत्र जारी करण्याचे निर्देश मागितले होते.
Emergency Movie: कंगना राणौतचा ‘इमर्जन्सी’ सिनेमा रिलीजपूर्वीच अडकला वादात
6 सप्टेंबरला रिलीज होणार होता
यापूर्वी या सिनेमा 6 सप्टेंबर रोजी प्रदर्शित होणार होते, परंतु सेन्सॉर बोर्डाच्या प्रमाणपत्राअभावी ते प्रदर्शित होऊ शकले नाही. कंगनाच्या मणिकर्णिका फिल्म्स आणि झी स्टुडिओजने संयुक्तपणे या चित्रपटाची निर्मिती केली आहे. कंगना राणौत व्यतिरिक्त या चित्रपटात अनुपम खेर, श्रेयस तळपदे, महिला चौधरी आणि मिलिंद सोमण यांच्या महत्त्वपूर्ण भूमिका आहेत.
