Dharmaveer 2 : दिघे साहेबांच्या हिंदुत्त्वाची गोष्ट सांगत बॉक्स ऑफिसवर गाजलेल्या “धर्मवीर २” या चित्रपटानं मोठा मान मिळवला आहे. झी5 या ओटीटीवर एका आठवड्यात सर्वाधिक व्ह्यूज “धर्मवीर २” या चित्रपटानं मिळवले आहेत. (Dharmaveer ) त्यामुळे बॉक्स ऑफिसपाठोपाठ ओटीटीवरही साहेबांच्या हिंदुत्त्वाची गोष्ट गाजत असल्याचं स्पष्ट झालं आहे.
“धर्मवीर २” या चित्रपटाची निर्मिती साहील मोशन आर्ट्स आणि झी स्टुडिओज या निर्मिती संस्थेचे मंगेश देसाई आणि उमेश कुमार बन्सल यांनी केली आहे. तर लेखन आणि दिग्दर्शनाची जबाबदारी प्रवीण तरडे यांनी निभावली आहे. प्रसाद ओक, क्षितीश दाते, स्नेहल तरडे, देवेंद्र गायकवाड, समीर धर्माधिकारी, हृषिकेश जोशी, आनंद इंगळे, कमलेश सातपुते, मंगेश देसाई अशी तगडी स्टारकास्ट या चित्रपटात आहे. चित्रपट मराठी आणि हिंदी या दोन भाषांमध्ये देशभरात प्रदर्शित करण्यात आला. बॉक्स ऑफिसवर तुफान प्रतिसाद मिळाल्यानंतर “धर्मवीर २” हा चित्रपट झी5 या ओटीटीवर लाँच करण्यात आला.
Salman Khan : माफी मागा नाहीतर पाच कोटी द्या, अन्यथा.. सलमान खानला पुन्हा धमकी
झी 5 ओटीटीवर “धर्मवीर २” या चित्रपटाला एकाच आठवड्यात ५० मिलियनपेक्षा जास्त व्ह्यूज मिळाले आहेत. यापूर्वी वाळवी या चित्रपटाला एका आठवड्यात १४ मिलियन व्ह्यूज मिळाले होते. त्यामुळे “धर्मवीर २” चित्रपटानं वाळवी चित्रपटाला मागे टाकून नवा विक्रम नोंदवला आहे. त्यामुळे बॉक्स ऑफिसवर मिळालेल्या उदंड प्रतिसादानंतर आता ओटीटीवरही जगभरातील प्रेक्षकांनी “धर्मवीर २” या चित्रपटाला डोक्यावर घेतल्याचे चित्र स्पष्ट दिसत आहे.
चित्रपटगृहांमध्ये प्रदर्शित होऊन एक महिना होण्याआधीच ‘धर्मवीर २’ प्रेक्षकांना हा चित्रपट ओटीटीवर पाहता येणार आहे. प्रसाद ओक याने फेसबूकवर पोस्ट करून ‘धर्मवीर २’ ओटीटीवर रिलीज झाल्याची माहिती दिली आहे. ‘ज्यांनी कधीच नाही केली तत्वांशी तडजोड, अशा धर्मवीर दिघे साहेबांच्या हिंदुत्वाची आहे ही गोष्ट… पाहा धर्मवीर २ फक्त ZEE5 वर,’ अशी पोस्ट प्रसाद ओक याने केली आहे. ‘धर्मवीर २’ आता ओटीटीवर पाहण्यासाठी उपलब्ध आहे.
