‘Haivan’ makers pay tribute to veteran actor Asrani he played a pivotal role in thriller : वर्षातील बहुप्रतिक्षित चित्रपटांपैकी एक असलेला ‘हैवान’ आता जगभरातील प्रदर्शित होण्यास अवघे सात दिवस बाकी आहेत. चित्रपटाच्या प्रदर्शनापूर्वी निर्मात्यांनी ज्येष्ठ अभिनेते असरानी यांना भावपूर्ण श्रद्धांजली अर्पण करत भारतीय चित्रपटसृष्टीतील त्यांच्या उल्लेखनीय योगदानाचा गौरव केला आहे. यासोबतच आगामी थरारपट ‘हैवान’मधील त्यांच्या भूमिकेचीही खास झलक प्रेक्षकांसमोर आणण्यात आली आहे.
निर्मात्यांनी शेअर केलेल्या विशेष व्हिडिओमध्ये असरानी यांचा चित्रपटातील एक लक्षवेधी प्रसंग पाहायला मिळतो. या दृश्यात ते अभिनेता शारिब हाश्मी यांच्यासोबत दिसत असून, त्यांचा दमदार संवाद चित्रपटाबद्दलची उत्सुकता आणखी वाढवणारा आहे. अल्पशा झलकीतही असरानी यांची प्रभावी उपस्थिती आणि त्यांच्याशी जोडलेला आपुलकीचा भाव प्रकर्षाने जाणवतो.
‘महाराष्ट्राची वाघीण’ आयुष्याचा डाव हरली! राष्ट्रीय कुस्तीपटूची तीन मुलांसह नळदुर्ग किल्ल्यावरून उडी
अनेक दशकांच्या कारकिर्दीत असंख्य संस्मरणीय भूमिका साकारत असरानी यांनी भारतीय प्रेक्षकांच्या मनात वेगळे स्थान निर्माण केले आहे. विविध पिढ्यांतील प्रेक्षकांचे लाडके कलाकार असलेल्या असरानी यांचा ‘हैवान’मधील सहभाग चित्रपटासाठी विशेष ठरणार आहे. आधुनिक कलाकारांच्या फळीबरोबर एका दिग्गज अभिनेत्याची उपस्थिती चित्रपटाला अधिक वजनदार बनवते.
प्रियदर्शन दिग्दर्शित ‘हैवान’मध्ये अक्षय कुमार आणि सैफ अली खान प्रमुख भूमिकांमध्ये दिसणार आहेत. त्यांच्यासोबत बोमन इराणी, सैयामी खेर, श्रिया पिळगांवकर यांच्यासह इतर कलाकारांचीही महत्त्वपूर्ण भूमिका आहे. गडद आणि रहस्यमय वातावरण असलेल्या या थरारपटाची प्रेक्षक आतुरतेने वाट पाहत आहेत. KVN Productions आणि Thespian Films यांच्या बॅनरखाली वेंकट के. नारायण आणि शैलजा देसाई फेन यांनी या चित्रपटाची निर्मिती केली आहे. ‘हैवान’ हा चित्रपट 11 सप्टेंबर 2026 रोजी जगभरातील चित्रपटगृहांमध्ये प्रदर्शित होणार आहे.