युवा शेरांच्या विजयावर ‘टीम पेड्डी’ कडून अंडर-19 संघाचे मनापासून अभिनंदन

Heartfelt congratulations to the Under-19 team from ‘Team Peddi’ : राम चरण यांचा आगामी चित्रपट ‘पेड्डी’ याबाबत चाहत्यांमधील अपेक्षा दिवसेंदिवस गगनाला भिडत आहेत. चित्रपटाची घोषणा झाल्यापासूनच राम चरण यांना या जबरदस्त अ‍ॅक्शन अवतारात पाहण्यासाठी चाहते आतुरतेने वाट पाहत आहेत. दरम्यान, चित्रपटाच्या टीमने भारताच्या अंडर-19 क्रिकेट संघाच्या वर्ल्ड कप विजयाबद्दल खास अंदाजात अभिनंदन केले आहे. ‘टीम पेड्डी’ने सोशल मीडियावर वर्ल्ड कप जिंकणाऱ्या भारतीय अंडर-19 संघाचा एक पोस्टर शेअर केला. त्यांना शुभेच्छा देताना टीमने लिहिले.

“जे काही करायचे आहे, ते याच मातीत करायचे आहे!
वर्ल्ड कपमध्ये भारतीय अंडर-19 संघाचे संपूर्ण वर्चस्व ❤️‍🔥
या तरुण खेळाडूंनी आपणा सर्वांना अभिमान वाटावा असे काम केले आहे 🔥
अभिनंदन, टीम इंडिया 🇮🇳”

‘पेड्डी’मधील ‘चिकिरी चिकिरी’ हे गाणे प्रदर्शित होताच प्रचंड लोकप्रिय ठरले. अवघ्या 24 तासांत या गाण्याने 46 मिलियन व्ह्यूज मिळवले आणि वर्षातील सर्वाधिक पाहिले व पसंत केले गेलेले गाणे ठरले. इतक्यावरच न थांबता, विविध भाषांमधील आवृत्त्यांसह या गाण्याने यूट्यूबवर 200 मिलियन व्ह्यूजचा टप्पा पार केला असून, 20 लाखांहून अधिक लाईक्स मिळवत प्रेक्षकांमधील त्याची जबरदस्त लोकप्रियता सिद्ध केली आहे.

पैसे वाटून मतदान करून घ्या; माजी मंत्री तानाजी सावंत यांची कथित ऑडिओ क्लिप व्हायरल

‘उप्पेना’ चित्रपटाचे दिग्दर्शक बुची बाबू सना दिग्दर्शित ‘पेड्डी’ हा एक रस्टिक आणि भावनिक ड्रामा असल्याचे सांगितले जात आहे. राम चरण यांच्या कारकिर्दीतील हा आजवरचा सर्वात तीव्र आणि प्रभावी भूमिकांपैकी एक मानला जात आहे. चित्रपटाचा भव्य स्केल, दमदार कलाकारांची फळी आणि ए. आर. रहमान यांचे संगीत यामुळे आधीच प्रेक्षकांमध्ये प्रचंड उत्सुकता निर्माण झाली आहे.

बुची बाबू सना यांनी लिहिलेल्या व दिग्दर्शित केलेल्या या चित्रपटात राम चरण मुख्य भूमिकेत दिसणार आहेत. त्यांच्यासोबत शिवराजकुमार, जान्हवी कपूर, दिव्येंदु शर्मा आणि जगपती बाबू महत्त्वाच्या भूमिकांमध्ये झळकणार आहेत. वेंकट सतीश किलारू यांनी निर्मित केलेला ‘पेड्डी’ चित्रपट 27 मार्च 2026 रोजी प्रदर्शित होणार आहे.