Hideo Kojima Praises YRF Spy Universe Tiger 3 Movie : हिदेओ कोजिमा हे जगभरात ‘गेमिंगचे देव’ म्हणून ओळखले जातात. ते एक प्रसिद्ध जपानी व्हिडिओ गेम डिझायनर आहेत. कोजिमाने एका फ्लाइटमध्ये टायगर 3 (Tiger 3 Movie) पाहिला आणि सलमान खान, कतरिना कैफ आणि इमरान हाशमी यांच्या मुख्य भूमिकेत असलेल्या या यशराज फिल्म्सच्या (Yash Raj Films) स्पाय युनिव्हर्सच्या ब्लॉकबस्टर चित्रपटाचे तोंडभरून कौतुक केलंय.
टायगर 3 हा सिनेमा कोजिमा यांना खूप आवडला. त्यांनी त्यांच्या सोशल मीडियावर पोस्ट केलंय की, “फ्लाइटमध्ये मी भारतीय चित्रपट टायगर 3 चित्रपट पाहिला. टायगर 3 खूपच मनोरंजक होता. त्यातील अॅक्शन, पेसिंग, (Bollywood News) दिग्दर्शन, दृश्ये आणि ध्वनीत 90 च्या दशकातील एक खास नॉस्टॅल्जिक भावना होती. हे मला मोठ्या पडद्यावर पाहायला हवे होते.” हिदेओ यांनी सलमान खानच्या जबरदस्त स्वॅगला आणि पठानच्या एंट्रीला पाहून फ्लाइटमध्ये टाळ्या वाजवल्याचेही सांगितले!
मराठवाड्यात निवडणूक पथकाची मोठी कारवाई; हिंगोली, वसमतमध्ये २१ लाख पकडले
ते म्हणाले, “मी पहिल्यांदाच टायगर सिरीज पाहत होतो, पण YRF स्पाय युनिव्हर्स खरोखरच अप्रतिम आहे! आणि पठानला बघायला मिळणे हा एक खास अनुभव होता! फ्लाईटमध्ये टाळ्या वाजवल्या. आता मी पुढील पठान चित्रपटासाठी खूपच उत्सुक आहे.”
On the flight, I watched ”Hen na ie (The Strange House)” the movie adaptation and the Indian film Tiger 3.
Tiger 3 was incredibly entertaining. The action, pacing, direction, visuals, and sound had a nostalgic vibe, almost reminiscent of the 90s. I probably should’ve seen it on… pic.twitter.com/Xe40Kdnt13— HIDEO_KOJIMA (@HIDEO_KOJIMA_EN) November 10, 2024
ग्लाइड बॉम्ब, ड्रोन अन् मिसाईलने रशियाचा युक्रेनवर हल्ला 30 जखमी तर 6 जणांचा मृत्यू
आदित्य चोप्रांचे टायगर 3 हे YRF स्पाय युनिव्हर्स मधील पाचवा चित्रपट आहे. तो एक था टायगर आणि टायगर जिंदा है यांचा सीक्वल आहे. स्पाय युनिव्हर्सच्या कथानकानुसार टायगर 3 मध्ये वॉर आणि पठानच्या घटनांच्या पुढील गोष्टी दाखवल्या आहेत. YRF स्पाय युनिव्हर्समधील सर्व पाच चित्रपट प्रचंड हिट ठरले आहेत, ज्यामुळे ती भारतीय चित्रपटसृष्टीतील सर्वात मोठी फ्रँचायझी बनली आहे. यशराज सध्या स्पाय युनिव्हर्समधील दोन नवीन प्रोजेक्ट्सवर काम करत आहे – वॉर 2, ज्यात हृतिक रोशन आणि NTR जूनियर असतील, आणि अल्फा, ज्यात आलिया भट्ट आणि शर्वरी असतील. वॉर 2 स्वतंत्रता दिवस ऑगस्ट, 2025 रोजी रिलीज होणार आहे आणि अल्फा 25 डिसेंबर, 2025 रोजी रिलीज होणार आहे.
