Hrithik Roshan Jr NTR Film War 2 Teaser Out : काही दिवसांपूर्वी हृतिक रोशनने NTR चा वाढदिवस यावर्षी धमाकेदार असेल, असे वचन दिले होते. त्याच अनुषंगाने 2025 मधील दोन महान सिनेमॅटिक आयकॉन हृतिक रोशन (Hrithik Roshan) आणि NTR यांच्या ‘वॉर 2’ चा टीझर (War 2) आज प्रदर्शित झाला. कियारा मुख्य भूमिकेत आणि अयान मुखर्जी दिग्दर्शित ‘वॉर 2’ 14 ऑगस्ट रोजी जगभरात हिंदी, तमिळ आणि तेलुगू भाषेत प्रदर्शित (Entertainment News) होत आहे.
‘वॉर २’ चा बहुप्रतिक्षित टीझर प्रदर्शित झाला आहे. ज्यामध्ये हृतिक रोशन (Bollywood News) आणि ज्युनियर एनटीआर यांच्या आगामी अॅक्शन चित्रपटाची झलक दाखवण्यात आली आहे. अयान मुखर्जी दिग्दर्शित, 2019 च्या ब्लॉकबस्टर ‘वॉर’चा हा सिक्वेल 14 ऑगस्ट 2025 रोजी, भारताच्या स्वातंत्र्यदिनाच्या आधी, जगभरातील थिएटरमध्ये प्रदर्शित होणार आहे. चाहते चित्रपटाची आतुरतेने वाट पाहात आहेत.
प्लॅटिनमच्या नावाखाली दुबईहून भारतात होणाऱ्या सोनं तस्करीबाबात सरकारचा मोठा निर्णय
या टीझरमध्ये हृतिक रोशन पुन्हा एकदा एजंट कबीरची भूमिका साकारत असल्याचे दाखवण्यात आले आहे. बॉलिवूडमध्ये पदार्पण करणारा ज्युनियर एनटीआर खलनायकाच्या भूमिकेत दिसतो. व्हिडिओमध्ये तलवारबाजी, कारचा पाठलाग आणि हाताशी लढाई असे अ‍ॅड्रेनालाईन-पंपिंग सीक्वेन्स दाखवण्यात आले आहेत. कियारा अडवाणीचा बिकिनी सीन देखील लक्ष वेधून घेत आहे.
Pune News : चिखलीतील पडलेल्या 36 बंगल्यावाल्यांना बिल्डरने दिलं मोठं आश्वासन…
या घटनेशी जवळून संबंधित एका सूत्राने सांगितले की, ज्युनियर एनटीआरची भूमिका ही शाहरुख खानच्या पठाण आणि सलमान खानच्या टायगर प्रमाणेच या गुप्तहेर फ्रँचायझीमध्ये दीर्घकालीन गुंतवणूक म्हणून पाहिली जात आहे. त्याचे पात्र फक्त वॉर 2 पर्यंत मर्यादित राहणार नाही. स्वतंत्र चित्रपट, स्पिन-ऑफ आणि मोठ्या क्रॉसओवर भूमिकांची अपेक्षा असल्याचं सांगितलं जातंय. वायआरएफ सिनेमॅटिक विश्वात तेलुगू आयकॉनच्या बहु-चित्रपट उपस्थितीचा संकेत दिला.
‘वॉर 2’ हा YRF स्पाय युनिव्हर्स फ्रँचायझीचा सहावा चित्रपट आहे, ज्याने फक्त ब्लॉकबस्टर चित्रपट दिले आहेत. स्पाय युनिव्हर्सचा पुढचा चित्रपट अल्फा आहे, जो आलिया भट्ट आणि शर्वरी अभिनीत महिला-प्रणित अॅक्शन थ्रिलर आहे, जो 25 डिसेंबर 2025 रोजी प्रदर्शित होणार आहे.
