मुंबई : राष्ट्रीय पुरस्कार विजेती अभिनेत्री रितिका सिंगचा आगामी चित्रपट ‘इन कार’ या चित्रपटाचा ट्रेलर रिलीज करण्यात आला आहे. नुकतचं या चित्रपटाचं पहिलं पोस्टर समोर आलं होतं. जबरदस्त थ्रिलरने भरपूर हा चित्रपट एका कॉलेज स्टूडेंटची खरी कहाणी आहे. नुकतचं निर्मात्यांकडून या चित्रपटाचा ट्रेलर रिलीज करण्यात आला आहे.
या चित्रपटाच्या ट्रेलरमध्ये हे स्पष्ट दिसत आहे की, या चित्रपटाच्या कथानक जबरदस्त थ्रिलरने भरपूर अतिशय आकर्षक कथा आहे आणि ती शेवटपर्यंत तुम्हाला तुमच्या सीटवर अडकवून ठेवेल. हा चित्रपट हरियाणामध्ये संपूर्णपणे चालत्या कारमध्ये चित्रित करण्यात आला आहे.
Upcoming Movie : ‘अंडरवर्ल्ड का कब्जा’ मधील ‘नमामी नमामी’ गाणं प्रेक्षकांच्या भेटीला
त्यागोदर या चित्रपटाचं पहिलं पोस्टर समोर आलं होतं. यामध्ये रितिका सिंग शिवाय मनीष झांझोलिया, संदीप गोयत, सुनील सोनी आणि ज्ञान प्रकाश यांच्या देखील भूमिका आहेत. हा चित्रपट एका कॉलेज स्टूडेंटची खरी कहाणी आहे. या पोस्टरमध्ये रितिकाच्या चेहऱ्यावर दुखापतीच्या खुणा स्पष्ट दिसत असून ती खूप घाबरलेली दिसत आहे.
हर्षवर्धनने या चित्रपटाचे लेखन आणि दिग्दर्शनही केले आहे. हा चित्रपट 3 मार्च 2023 रोजी थिएटरमध्ये हिंदी व्यतिरिक्त तेलुगू, तमिळ, कन्नड आणि मल्याळम भाषांमध्ये प्रदर्शित होणार आहे.
