Salman Khan supports Bobby Deol! Shares the teaser of ‘Bandar’ and appeals to fans : बॉबी देओल स्टारर ‘बंदर’चा दमदार, इंटेन्स आणि अंगावर काटा आणणारा टीझर नुकताच प्रदर्शित करण्यात आला आहे. अनुराग कश्यप दिग्दर्शित आणि निखिल द्विवेदी यांच्या सॅफरन मॅजिकवर्क्स व झी स्टुडिओज यांच्या सहकार्याने तयार झालेला हा चित्रपट 5 जून रोजी चित्रपटगृहांमध्ये प्रदर्शित होण्यासाठी सज्ज आहे.
माजी कर्णधार महेंद्र सिंह धोनीचा आर्थिक क्षेत्रातही रेकॉर्ड, बिहार अन् झारखंड राज्यात नवा विक्रम
बॉबी देओल स्टारर ‘बंदर’ने घोषणेनंतरपासूनच प्रेक्षकांमध्ये प्रचंड उत्सुकता निर्माण केली आहे. अनेक महिन्यांच्या प्रतीक्षेनंतर अखेर निर्मात्यांनी चित्रपटाचा बहुप्रतीक्षित टीझर प्रदर्शित केला आहे. हा चित्रपट बॉबी देओल आणि अनुराग कश्यप यांच्या पहिल्या सहकार्याचे प्रतीक आहे. चित्रपटात सान्या मल्होत्रा, राज बी शेट्टी, सपना पब्बी, सबा आझाद, रिद्धी सेन, जितेंद्र जोशी, इंद्रजीत सुकुमारन आणि नागेश भोसले यांसारख्या उत्कृष्ट कलाकारांची फौज पाहायला मिळणार आहे.
टीझर चित्रपटाच्या इंटेन्स आणि वेगळ्या धाटणीच्या जगाची झलक दाखवतो, ज्यात बॉबी देओल एका पूर्णपणे नव्या अवतारात दिसत आहेत. त्याची रॉ एनर्जी आणि जबरदस्त दृश्यांनी सोशल मीडियावर खळबळ उडवली असून, प्रेक्षकांसह अनेक सेलिब्रिटींकडूनही त्याचे भरभरून कौतुक होत आहे. इतकेच नव्हे तर बॉलिवूड सुपरस्टार सलमान खान यांनीही सोशल मीडियावर बॉबी आणि चित्रपटाला पाठिंबा दर्शवत टीझरला खास ‘शाऊटआउट’ दिले आहे.
कोश्यारी यांच्यानंतर तामिळानाडुच्या राज्यपालांची चर्चा, कोण आहेत राजेंद्र विश्वनाथ आर्लेकर?
‘बंदर’चा टीझर अशी रॉ आणि अनप्रिडिक्टेबल वेडेपणाची झलक दाखवतो, जी आजच्या पारंपरिक सिनेमांपासून त्याला पूर्णपणे वेगळे ठरवते. सुदीप शर्मा आणि अभिषेक बॅनर्जी यांनी लिहिलेल्या या टीझरमध्ये बॉबी देओल एका चमकदार डिस्को अवतारात दिसत आहेत, ज्याला ‘कम ऑन बेबी दिल किसको देगी’ या गाण्याच्या नव्या व्हर्जनने अधिक प्रभावी बनवले आहे. सुरुवातीला एक विचित्र आणि हाय-एनर्जी प्रवास वाटणारी ही कथा पुढे जाऊन अधिक डार्क आणि इंटेन्स वळण घेते, जिथे अनुराग कश्यप यांच्या खास ग्रिटी स्टोरीटेलिंग स्टाइलमध्ये विध्वंस, तणाव आणि भावनांच्या अनेक छटा पाहायला मिळतात.
सुनेत्रा पवार मुख्यमंत्री झाल्या तर पहिला हार मीच घालीन; खासदार सुप्रिया सुळेंनी थेट सांगितलं
‘बंदर’चे लेखन ‘पाताल लोक’, ‘कोहरा’ आणि ‘उडता पंजाब’सारख्या यशस्वी प्रकल्पांमागील प्रसिद्ध जोडी सुदीप शर्मा आणि अभिषेक बॅनर्जी यांनी केले आहे. अनुराग कश्यप दिग्दर्शित आणि निखिल द्विवेदी यांच्या ‘सॅफरन मॅजिकवर्क्स’ व ‘झी स्टुडिओज’ निर्मित हा चित्रपट 5 जून 2026 रोजी जगभरातील चित्रपटगृहांमध्ये प्रदर्शित होणार आहे.