Crew Trailer Released: तब्बू (Tabu), क्रिती सेनन (Kriti Sanon) आणि करीना कपूरचा (Kareena Kapoor) आगामी चित्रपट ‘क्रू’चा (Crew Trailer) धमाकेदार ट्रेलर रिलीज झाला आहे. हा चित्रपट 29 मार्च 2024 रोजी थिएटरमध्ये दाखल होण्यासाठी सज्ज झाला आहे, आणि त्याआधी चित्रपटाच्या ट्रेलरने चाहत्यांची उत्सुकता शिंगेला पोहचवली आहे. सस्पेन्स, कॉमेडी आणि मनोरंजनाने परिपूर्ण असलेल्या या चित्रपटाचे दिग्दर्शन राजेश कृष्णन (Rajesh Krishnan) यांनी केले आहे.
‘क्रू’च्या ट्रेलरची सुरुवात करीना कपूर, तब्बू आणि क्रिती सेनॉनच्या स्वॅगी लूकने होते. त्यानंतर हे तिघेही त्यांच्या प्रोफेशनल लूकमध्ये दिसत आहेत. या चित्रपटात एअर होस्टेसच्या भूमिकेत असलेल्या तीन अभिनेत्री त्यांच्या प्रोफेशन आणि मध्यमवर्गीय जीवनामुळे त्रस्त आहेत. दरम्यान, सोन्याच्या बिस्किटांना हात लागल्याने गोंधळ वाढतो. बोनसच्या आशेवर असलेल्या एअर होस्टेस समृद्ध जीवन जगण्यासाठी काय करतात याची झलक ट्रेलरमध्ये पाहायला मिळते.
‘क्रू’ 29 मार्च 2024 रोजी होणार रिलीज
‘क्रू’ हा एक मनोरंजन आणि विनोदाने भरलेला चित्रपट असेल जो मुंबईतील तीन सामान्य एअर होस्टेसची कथा सांगेल, त्यांची स्वप्ने पूर्ण करण्यासाठी निघाले पण स्वतःला अडकवले. या चित्रपटाचा टीझर 24 फेब्रुवारी रोजी प्रदर्शित झाला असून ट्रेलर आज प्रदर्शित झाला आहे. हा चित्रपट 29 मार्च रोजी जगभरात प्रदर्शित होणार आहे.
Sanskruti Balgude : सई, अमृतानंतर आता संस्कृती बालगुडे सुद्धा बॉलिवुडमध्ये झळकणार
‘क्रू’ चित्रपटाची स्टारकास्ट
राजेश कृष्णन दिग्दर्शित, ‘क्रू’ चित्रपटाची निर्मिती अनिल कपूर, शोभा कपूर, एकता कपूर आणि रिया कपूर यांनी बालाजी टेलिफिल्म्स, AKFC आणि कम्युनिकेशन नेटवर्क प्रोडक्शन प्रायव्हेट लिमिटेड यांच्या बॅनरखाली केली आहे. या चित्रपटात करीना कपूर खान, कृती सेनॉन आणि तब्बू मुख्य भूमिकेत आहेत. यात दिलजीत दोसांझ महत्त्वाच्या भूमिकेत दिसणार आहे. याशिवाय कपिल शर्माचीही खास भूमिका आहे.
