Tamannaah Bhatia Special Cameo : बॉलिवूड (Bollywood) आणि दाक्षिणात्य चित्रपटसृष्टीतील प्रसिद्ध अभिनेत्री तमन्ना भाटिया (Tamannaah Bhatia) ही तिच्या स्टाईलनं आणि अभिनयानं नेहमीच प्रेक्षकांची मनं जिंकते. पॅन इंडियाची स्टार तमन्ना सध्या चर्चेत असताना ‘अरनमानाई 4’ ने (Aranmanai 4) तमिळ बॉक्स ऑफिसवर तुफान कमाई केल्यानंतर ही अभिनेत्री बहुप्रतिक्षित ‘स्त्री 2’ मध्ये तिच्या खास भूमिकांसह बॉलिवूडच्या बॉक्स ऑफिसवर (Box Office ) धुमाकूळ घालणार असल्याचं माहिती समोर आली आहे.
‘मुंज्या’च्या शोसोबतच चित्रपटगृहांमध्ये प्रदर्शित झालेला चित्रपटाचा टीझर एका चाहत्याने ऑनलाइन लीक केला असू शकतो चित्रपटाच्या झलक नुसार यात तमन्ना एका डान्स मध्ये दिसणार आहे. ‘स्त्री 2’ मध्ये (Stree 2 Movie) तमन्नाची झलक दिसणं नक्कीच खास आहे. टीझरमधील तिची झलक चित्रपटगृहांमध्ये चित्रपट पाहण्यासाठी वाट पाहत असलेल्या चाहत्यांमध्ये नक्कीच उत्साह वाढवत आहे.
यापूर्वी, तमन्ना ‘जेलर’ मधील ‘कावला’ आणि ‘अरनमानाई 4’ मधील ‘अचाचो’ सारख्या गाण्यांमध्ये दिसली होती आणि ही गाणी तुफान लोकप्रिय झाली होती.’ स्त्री 2′ ची झलक पाहता तमन्ना पुन्हा एकदा नवा रेकॉर्ड करणार का हे बघण उत्कंठावर्धक ठरणार आहे. दरम्यान तमन्नाने तिच्या वर्षाची सुरुवात ‘अरनमानाई 4’ बरोबर केली आहे, जो २०२४ मध्ये तमिळ उद्योगातील पहिला हिट चित्रपट म्हणून उदयास आला आणि अभिनेत्रीच्या बॉक्स ऑफिस पराक्रमाचे प्रदर्शन केले. तमन्नाच्या सर्वोत्कृष्ट हिट चित्रपटांपैकी एक बनून बॉक्स ऑफिसवर 100 कोटी रुपये पार केले.
Tamannaah Bhatia : तमन्नाचं फोटोशूट पाहून चाहते फिदा, येलो ड्रेसमधला लूक चर्चेत
‘स्त्री 2’ बद्दल बोलायचे तर राजकुमार राव, अभिषेक बॅनर्जी, अपारशक्ती खुराना, श्रद्धा कपूर आणि पंकज त्रिपाठी यांची भूमिका असलेला हा चित्रपट यावर्षी १५ ऑगस्टला रिलीज होणार आहे. अमर कौशिक दिग्दर्शित हॉरर-कॉमेडी हा 2018 मध्ये रिलीज झालेल्या ‘स्त्री’चा सिक्वेल आहे.
