Celebrities and Ram Mandir : सोमवारी (आज) अयोध्या नगरीत राम मंदिराचे उद्घाटन होणार आहे. (Ram Mandir) संपूर्ण देशात उत्साहाचे वातावरण हे पाहायला मिळतंय. विशेष म्हणजे या उद्घाटन सोहळ्यासाठी अनेक बाॅलिवू़ड (Bollywood) कलाकारांना देखील आमंत्रित करण्यात आलंय. हा संपूर्ण देशवासियांसाठी ऐतिहासिक दिवसच आहे. अयोध्या नगरीत याची जोरदार तयारी ही बघायला मिळतंय. विशेष बाब म्हणजे आजच्या या उद्घाटन सोहळ्यासाठी अनेक बाॅलिवूड कलाकार हे अयोध्या नगरीत दाखल देखील झाले आहेत.
आता याचे अनेक फोटो आणि व्हिडीओ हे सोशल मीडियावर (social media) तूफान व्हायरल होताना दिसत आहेत. परंतु श्री रामजन्मभूमी तीर्थ क्षेत्र ट्रस्टचे खजिनदार गोविंद देव गिरी यांच्या हवाल्याने सांगितले आहे की, राम मंदिराच्या उभारणीवर आतापर्यंत 1,100 कोटी रुपयांहून अधिक खर्च झाला आहे. मात्र, मंदिराचे बांधकाम पूर्ण करण्यासाठी आणखी 300 कोटी रुपये लागणार आहेत. अयोध्येत बांधलेल्या राम मंदिरात रामलल्लाचा अभिषेक होणार आहे. अक्षय कुमार, कंगना रणौत, टायगर श्रॉफ-जॅकी श्रॉफ, अमिताभ बच्चन आणि रजनीकांत यांच्यासह अनेक बॉलिवूड सेलिब्रिटीही या सोहळ्याला उपस्थित राहणार आहेत.
या मंदिराच्या उभारणीसाठी आत्तापर्यंत अनेक सामान्य आणि विशेष सेलिब्रिटींनी योगदान दिले आहे. अक्षय कुमार, अनुपम खेर, पवन कल्याण आणि गुरमीत चौधरी यांच्यासह अनेक सेलिब्रिटींनीही मंदिराच्या बांधकामासाठी देणगी दिली आहे. या बातमीत जाणून घ्या कोणत्या सेलिब्रिटीने राम मंदिराच्या उभारणीसाठी किती देणगी दिली…
अक्षय कुमार: जानेवारी 2021 मध्ये, अक्षय कुमारने सोशल मीडियावर एक व्हिडिओ शेअर केला आणि लोकांना या मंदिराच्या बांधकामासाठी देणगी देण्याचे आवाहन केले. हे शेअर करताना अक्षयने कॅप्शनमध्ये लिहिले होते की, ‘अयोध्येत राम मंदिराचे बांधकाम सुरू झाले आहे. मी माझ्या बाजूने योगदान दिले आहे, आशा आहे की तुम्हीही कराल.” मात्र, अक्षयने मंदिराच्या उभारणीसाठी किती देणगी दिली हे कधीच सांगितले नाही.
पवन कल्याण: इंडियन एक्स्प्रेसने दिलेल्या वृत्तानुसार, दक्षिणेतील प्रसिद्ध अभिनेता पवन कल्याण याने या मंदिराच्या बांधकामासाठी 30 कोटी रुपयांची देणगी दिली होती. पवनचे वैयक्तिक कर्मचारी आणि सर्व धर्माच्या लोकांनी मंदिराला 11,000 रुपयांची देणगी दिली होती.
अनुपम खेर: ज्येष्ठ अभिनेते अनुपम खेर ऑक्टोबर 2023 मध्ये अयोध्येला भेट देण्यासाठी गेले होते. तिथून त्याने स्वतःचे आणि मंदिराच्या बांधकामाच्या जागेचे काही फोटो शेअर केले. अनुपम यांनी या मंदिराला विटा भेट दिल्याचेही सांगितले होते. अनुपम खेर रविवारी अयोध्येला पोहोचले आहेत.
मुकेश खन्ना: मुकेश खन्ना यांनी फेब्रुवारी 2021 मध्ये ट्विट करून मंदिराच्या बांधकामासाठी 1 लाख रुपयांची देणगी दिल्याची माहिती दिली होती.
Ram Mandir प्राणप्रतिष्ठा सोहळा अवघ्या काही तासांवर; अयोध्येसह संपूर्ण देशात भक्तिमय वातावरण
हेमा मालिनी: ज्येष्ठ अभिनेत्री हेमा मालिनी यांनीही राम मंदिरासाठी गुप्त देणगी दिली आहे. यासोबतच त्यांनी नुकतेच अयोध्येत कार्यक्रमही केला आहे. मीडियाशी बोलताना अभिनेत्री म्हणाली, ‘मी पहिल्यांदाच अयोध्येत आले आहे आणि इथे मी रामायणातील सीतेची भूमिकाही साकारली आहे. यावेळी संपूर्ण बॉलिवूड राममयी आहे. कलाकारही राम भजन गात आहेत आणि मीही गेल्या वर्षी राम भजन गायले होते. प्रत्येकजण प्रभू श्री रामासाठी काहीतरी तयारी करत आहे.
मनोज जोशी: 2021 मध्ये VHP ने सोशल मीडियावर एक व्हिडिओ शेअर केला होता ज्यामध्ये अभिनेता मनोज जोशी राम मंदिर आणि भगवान श्री राम बद्दल बोलत होते. वृत्तांवर विश्वास ठेवला तर त्यांनी मंदिराच्या बांधकामासाठी गुप्त देणगीही दिली आहे. ९० च्या दशकात ‘चाणक्य’ या टीव्ही शोमध्ये मुख्य भूमिका साकारून घराघरात प्रसिद्ध झालेला अभिनेता मनोज जोशीही रविवारी अयोध्येला पोहोचला आहे.
गुरमीत चौधरी: जानेवारी 2021 मध्ये, अभिनेता गुरमीत चौधरीने ट्विटरवर एक व्हिडिओ शेअर केला आणि त्याने राम मंदिराच्या बांधकामासाठी देणगी दिल्याचे सांगितले. 2008 मध्ये प्रसारित झालेल्या ‘रामायण’ या टीव्ही शोमध्ये श्रीरामची भूमिका साकारण्यासाठी गुरमीत ओळखला जातो.
प्रणिता सुभाष: अजय देवगण स्टारर ‘भुज’ आणि ‘हंगामा 2’ सारख्या हिंदी चित्रपटांमध्ये दिसलेली दाक्षिणात्य अभिनेत्री प्रणिता सुभाषनेही राम मंदिराच्या उभारणीसाठी 1 लाख रुपयांचे योगदान दिले आहे. अभिनेत्रीने 12 जानेवारी 2021 रोजी एक व्हिडिओ शेअर करून ही माहिती दिली होती.
या सगळ्या दरम्यान, साऊथचा सुपरहिट चित्रपट ‘हनुमान’च्या निर्मात्यांनी त्यांच्या तिकीट विक्रीच्या कमाईचा एक भाग अयोध्येतील राम मंदिरासाठी दान केला आहे. चित्रपटाच्या प्रदर्शनापूर्वी निर्मात्यांनी राम मंदिराला प्रत्येक तिकिटाच्या विक्रीवर 5 रुपये देण्याचे आश्वासन दिले होते. अशा परिस्थितीत निर्मात्यांनी आता 2 कोटी 66 लाख रुपये दान केले आहेत. हा चित्रपट थिएटरमध्ये चांगली कामगिरी करत आहे. त्याने भारतात 100 कोटींहून अधिक आणि जागतिक स्तरावर 150 कोटी रुपयांची कमाई केली आहे.
22 जानेवारीला अयोध्येतील राम मंदिरात होणाऱ्या अभिषेक सोहळ्यात पंतप्रधान नरेंद्र मोदीही सहभागी होणार आहेत. या सोहळ्याला सुमारे 8 हजार पाहुणे येण्याची शक्यता आहे. यापैकी ५०६ ए-लिस्टर पाहुण्यांमध्ये राजकारणी, उद्योगपती आणि शीर्ष चित्रपट तारे यांच्यासह क्रीडा व्यक्ती आणि मुत्सद्दी यांचा समावेश आहे.
