Who is Devdutt Nage’s fitness role model? Fun experiences on the sets of ‘Ghabadkund’ : मनोरंजनसृष्टीतील दमदार अभिनेता देवदत्त नागे आपल्या प्रभावी भूमिकांसोबतच त्याच्या फिटनेससाठीही ओळखला जातो. मात्र स्वतः फिटनेसकडे लक्ष देताना त्याला प्रेरणा मिळते ती त्याचा जिवलग मित्र, लोकप्रिय अभिनेता कुशल बद्रिके याच्याकडून. अभिनयासोबतच फिटनेसकडेही लक्ष देणाऱ्या या दोघा कलाकारांची मैत्री आणि एकमेकांना दिलेले प्रोत्साहन चाहत्यांमध्येही चर्चेचा विषय ठरत आहे.
ZEE5 ची नवीन मराठी ओरिजनल सिरीज ‘हे काय नवीन?’चा ट्रेलर प्रसिद्ध
मित्रांकडून मिळणारी प्रेरणा आयुष्याला नवी ऊर्जा देणारी ठरते. अभिनेता देवदत्त नागे यांच्यासाठी फिटनेसच्या बाबतीत कुशल बद्रिके खऱ्या अर्थाने ‘रोल मॉडेल’ असल्याचे त्यांनी सांगितले. आगामी ‘घबाडकुंड’ चित्रपटाच्या फर्स्ट लूक लाँचच्या शानदार सोहळ्यात देवदत्त नागे यांनी हा खुलासा केला.
रसिक प्रेक्षकांसाठी पर्वणी! स्टार प्लसवर पुन्हा एकदा दमदार मालिकांचा महासंगम
चित्रीकरणादरम्यान सहकलाकारांसोबत घडलेल्या विविध आठवणींना उजाळा देताना त्यांनी सेटवरील धमाल, मस्ती आणि गमती-जमतींचा उल्लेख केला. पहाटे दिव्याच्या प्रकाशात कुशलसोबत केलेला व्यायाम, त्यानंतरचा फक्कड गुळाचा चहा आणि चमचमीत मॅगी या सगळ्या खास क्षणांची रंगतदार कहाणी सांगताना देवदत्तने कुशलला ‘माझा फिटनेस आयडॉल’ हा किताब देत त्याची फिरकी घेतली.
Video : भोंदूबाबा खरात प्रकरण मिटवण्यासाठी दुसरं प्रकरण.., उद्धव ठाकरे काय म्हणाले?
यावर कुशलनेही तितक्याच विनोदी अंदाजात प्रतिसाद देत, ‘हा व्हिडिओ सगळीकडे नक्की टॅग करा!’ असं आव्हान दिलं. कुशल बद्रिके तसेच संदीप पाठक यांच्यासोबतची ही भावनिक आणि अविस्मरणीय सफर कायम स्मरणात राहील, असं सांगत देवदत्त नागेने यावेळी सर्वांचे मनापासून आभार मानले.‘घबाडकुंड’ चित्रपटातील रहस्याचा पडदा उघडण्यासाठी आम्ही सज्ज आहोत असं त्यांनी म्हटलं आहे.
‘तुमच्यावर कोप होईल’ची गर्जना देत थयथयाट; नंतर पोलिसी खाक्या दाखवताच नमला खरात
दिग्दर्शक प्रीतम एस. के. पाटील, निर्माते रसिक कदम यांच्या साथीने सस्पेन्स थ्रिलर जॉनर प्रेक्षकांसाठी घेऊन आले आहेत. अॅक्शन, विनोद, रहस्य असा सगळा भरगच्च मसाला असलेला मराठीतला पहिला युनिव्हर्स चित्रपट ‘घबाडकुंड’ 19 जूनला प्रेक्षकांच्या मनोरंजनासाठी सज्ज होत आहे.