Article 370 Box Office Collection Day 1: चाहते यामी गौतमच्या (Yami Gautam) ‘आर्टिकल 370’ (Article 370 Movie) चित्रपटाची मोठ्या आतुरतेने वाट पाहत होते. चित्रपटाचा दमदार ट्रेलर रिलीज झाल्यापासून ‘आर्टिकल 370’ बद्दल बरीच चर्चा झाली होती. पीएम मोदींनीही (PM Modi) त्यांच्या एका रॅलीमध्ये यामी गौतमच्या ‘आर्टिकल 370’ चा उल्लेख केला होता, यामुळे चित्रपटाबद्दल चाहत्यांमध्ये मोठा उत्साह वाढला होता. आता हा चित्रपट चित्रपटगृहांमध्ये प्रदर्शित झाला असून, त्याला प्रेक्षकांचा चांगला प्रतिसाद मिळत आहे. ‘आर्टिकल 370’ रिलीजच्या पहिल्या दिवशी किती कमाई केली आहे चला तर मग पाहूया…?
पहिल्या दिवशी ‘आर्टिकल 370’ किती कोटींनी उघडणार? गेल्या वर्षी ‘OMG 2’ मध्ये दिसलेली यामी गौतमने ‘Article 370’ द्वारे मोठ्या पडद्यावर पुनरागमन केले आहे. हा चित्रपट काश्मीरमधील घटनेतील 370 कलम हटवण्यावर आधारित आहे. या चित्रपटात काश्मीरमध्ये पसरलेल्या दहशतवादालाही लक्ष्य करण्यात आले आहे. राष्ट्रीय पुरस्कार विजेते आदित्य सुहास जांभळे दिग्दर्शित या चित्रपटाला समीक्षक आणि प्रेक्षकांकडून सकारात्मक प्रतिसाद मिळाला आहे.
सोशल मीडियावरही या चित्रपटाचे खूप कौतुक होत आहे. विशेषत: यामी गौतमच्या दमदार अभिनयाने चित्रपटाला जीवदान दिले आहे. अशा परिस्थितीत चित्रपट पाहण्यासाठी चित्रपटगृहांमध्ये प्रेक्षकांची खचाखच गर्दी दिसून येत आहे. आता ‘आर्टिकल 370’ च्या पहिल्या दिवसाच्या कमाईचे आकडेही आले आहेत.
Sacknilk च्या सुरुवातीच्या ट्रेंड रिपोर्टनुसार, ‘आर्टिकल 370’ ने रिलीजच्या पहिल्या दिवशी आतापर्यंत 5 कोटी रुपये कमवले आहेत. हे प्रारंभिक आकडे आहेत, रात्रीपर्यंत चित्रपट बंपर कलेक्शन करेल अशी अपेक्षा आहे. अधिकृत आकडेवारी आल्यानंतर चित्रपटाने किती कोटींची ओपनिंग केली हे समजणार आहे. या वीकेंडला ‘आर्टिकल 370’ बॉक्स ऑफिसवर धमाका करू शकणार आहे. ‘आर्टिकल 370’ ला पहिल्याच दिवशी तिकीट खिडकीवर चांगला प्रतिसाद मिळत असल्याचे दिसत आहे. तसेच चित्रपटाच्या कमाईत लक्षणीय वाढ होऊ शकते. त्याचवेळी पीएम मोदींनीही ‘आर्टिकल 370’ सिनेमाचे तोंडभरून कौतुक केले असून यामुळे लोकांना योग्य माहिती मिळेल असे म्हटले आहे. त्यानंतर या चित्रपटाला भरपूर प्रेक्षक मिळतील अशी अपेक्षा आहे. सिनेमा प्रेमी दिनानिमित्त या चित्रपटाच्या तिकिटाची किंमतही केवळ 99 रुपये आहे. ‘आर्टिकल 370’ त्याचा पूर्ण फायदा घेऊ शकतो. अशा परिस्थितीत वीकेंडलाही हा चित्रपट जबरदस्त कलेक्शन करेल अशी अपेक्षा आहे. यामीचा हा चित्रपट ब्लॉकबस्टर ठरू शकतो असे दिसते.
The Crew: तब्बू, करीना अन् क्रिती एअर होस्टेसच्या लूकमध्ये; ‘द क्रू”या’ दिवशी होणार रिलीज?
‘आर्टिकल 370’ स्टार कास्ट: ‘आर्टिकल 370’च्या स्टारकास्टबद्दल बोलायचे झाले तर यामी गौतमने या चित्रपटात मुख्य भूमिका साकारली आहे. चित्रपटात यामीची भूमिका एका गुप्तचर अधिकाऱ्याची आहे. अरुण गोविल, प्रियामणी यांनीही ‘आर्टिकल 370’ मध्ये महत्त्वाच्या भूमिका साकारल्या आहेत. अरुण गोविल या चित्रपटात पीएम मोदींची भूमिका साकारत आहेत.
