Nobel Prize : डोनाल्ड ट्रम्प यांचं स्वप्न भंगलं; मारिया कोरिना मचाडो यांना शांततेचा नोबेल पुरस्कार

अमेरिकेचे राष्ट्राध्यक्ष डोनाल्ड ट्रम्प यांनी अनेकदा आपल्याला नोबेल मिळावं अशी घोषणा आणि मागणी केलेली असताना त्यांचं स्वप्न भंगल आहे. नॉर्वेची राजधानी असलेल्या ओस्लो येथून नोबेल पुरस्काराची घोषणा झाली असून यावेळी (Trump) मारिया कोरिना मचाडो यांना शांततेचा पुरस्कार देण्यात आला. या पुरस्कारासाठी ३३८ उमेदवार होते. त्यापैकी अमेरिकेच्या राष्ट्राध्यक्षांचे नाव सर्वाधिक चर्चेत होते.

ट्रम्प यांनी स्वतः वारंवार नोबेल पुरस्काराचा दावा केला होता. अलिकडेच त्यांनी म्हटलं होतं की त्यांना हा पुरस्कार मिळाला पाहिजे, कारण त्यांनी भारत-पाकिस्तान युद्धासह सात युद्धे थांबवली होती. तथापि, अमेरिकेचे अध्यक्ष डोनाल्ड ट्रम्प यांचं हे स्वप्न आता भंगलं आहे. त्यांच्या जागी मारिया कोरिना मचाडो यांना शांतता पुरस्कार देण्यात आला. व्हेनेझुएलामध्ये लोकशाही हक्कांना प्रोत्साहन देण्यासाठी मचाडो यांना हा पुरस्कार देण्यात आला आहे.

शांततेच्या नोबेल पुरस्काराबाबत नोबेल समितीने सांगितले की, लोकशाही हक्कांसाठीच्या त्यांच्या प्रयत्नांसाठी, हुकूमशाहीपासून शांततापूर्ण लोकशाहीकडे संक्रमण करण्यासाठीच्या संघर्षासाठी मारिया कोरिना मचाडो यांना शांततेचा नोबेल पुरस्कार देण्यात येत आहे. दरम्यान, डोनाल्ड ट्रम्प यांचं नोबेल पुरस्कार जिंकण्याचं स्वप्न भंगलं आहे. डोनाल्ड ट्रम्प यांना शांततेचा नोबेल पुरस्कार पुरस्कार मिळावा यासाठी आठ देशांनी पाठिंबा दिला होता. यामध्ये पाकिस्तान आणि इस्रायल व्यतिरिक्त अमेरिका, आर्मेनिया, अझरबैजान, माल्टा आणि कंबोडिया या देशांचा समावेश आहे. मात्र यात मारिया कोरिना मचाडो यांनी बाजी मारली.

कोण आहेत मारिया कोरिना मचाडो ?

मारिया कोरिना मचाडो यांचा जन्म 7 ऑक्टोबर 1967 रोजी व्हेनेझुएलाची राजधानी कराकस येथे झाला. त्यांना आंद्रेस बेलो कॅथोलिक विद्यापीठातून इंजिनिअरिंगचे शिक्षण घेतले आणि इन्स्टिट्यूटो डी एस्टुडिओस सुपीरियर्स डी अॅडमिनिस्ट्रेसिओनमधून वित्त विषयात पदवी प्राप्त केली. आता त्यांना लोकशाही हक्कांसाठीच्या त्यांच्या प्रयत्नांसाठी नोबेल पुरस्काराने गौरविण्यात येत आहे.