Fake PMO ID at PM Modi’s Event: मुंबईत पंतप्रधान नरेंद्र मोदी (Narendra Modi) यांच्या कार्यक्रमात बनावट ओळखपत्राच्या आधारे प्रवेश करण्याचा प्रयत्न केल्याचा धक्कादायक प्रकार समोर आला होता. मुंबईतील बीकेसी (BKC) परिसरात आयोजित करण्यात आलेल्या पंतप्रधानांच्या कार्यक्रमात PMO (Prime Minister’s Office) चे बनावट आयडी कार्ड घेऊन प्रवेश करण्याचा प्रयत्न करणाऱ्या रोहन पारेख (Rohan Parekh) याला त्याच्या सुरक्षारक्षकासह पोलिसांनी ताब्यात घेतले आहे. विशेष म्हणजे, रोहन सोबत असलेल्या सुरक्षारक्षकाकडे शस्त्रही आढळून आल्याची माहिती समोर आली आहे. या दोघांव्यतिरिक्त आणखी तिसरा एक व्यक्ती या प्रकारात सहभागी असल्याचे समोर आले.
चौकशीदरम्यान या प्रकरणात आणखी एका व्यक्तीचा सहभाग असल्याचे समोर आले असून प्रथमेश बागुल असे या तिसऱ्या आरोपीचे नाव असल्याची माहिती आहे. मात्र, तो सध्या फरार असून पोलिसांकडून त्याचा शोध घेतला जात आहे. या प्रकरणातील मुख्य आरोपी रोहन पारेख हा मुंबईतील एका व्यावसायिकाचा मुलगा असल्याची माहिती समोर आली आहे. पोलिसांनी त्याला न्यायालयात हजर केल्यानंतर त्याच्या वकिलांनी रोहन स्वतः या प्रकरणात पीडित असल्याचा दावा केला. रोहनला PMOच्या नावाने एक बनावट ई-मेल प्राप्त झाला होता, असा दावा त्याच्या वकिलांनी न्यायालयात केला.
स्मृती मंधानाची ICC T20 क्रमवारीत थेट टॉप 5 मध्ये झेप, 124 धावांचा धडाका
या ई-मेलमध्ये संबंधित व्यक्तीने स्वतःला PMOचा अतिरिक्त सचिव असल्याचे सांगितल्याचे वकिलांनी म्हटले. मात्र, हा ई-मेल खरोखर PMO कडून आला होता की बनावट पद्धतीने तयार करण्यात आला होता, याची वैधता अद्याप स्पष्ट झालेली नसल्याची माहिती न्यायालयासमोर देण्यात आली. रोहनच्या वकिलांकडून तो स्वतः पीडित असल्याचा युक्तिवाद करण्यात आला असला, तरी पोलिसांनी या प्रकरणाकडे गंभीरपणे पाहिले आहे.
SBI Scheme: महिलांना SBI ची मोठी भेट! ‘या’ योजनेत मिळणार 25 कोटींपर्यंतचे सोपे कर्ज
पोलिसांच्या म्हणण्यानुसार, हा प्रकार केवळ बनावट ओळखपत्राचा नसून थेट धमकीशी संबंधित गंभीर प्रकरण आहे. त्यामुळे आरोपींच्या भूमिकेचा सखोल तपास करण्यासाठी त्यांची पोलीस कोठडी आवश्यक असल्याचा युक्तिवाद पोलिसांकडून करण्यात आला. वकिलांच्या म्हणण्यानुसार, रोहन पारेख कार्यक्रमाच्या एक दिवस आधीच कार्यक्रमस्थळाच्या परिसरात गेला होता. यावेळी त्याने एका मॉलमधून परफ्यूम खरेदी केल्याची माहितीही न्यायालयात देण्यात आली. त्यामुळे कार्यक्रमस्थळी त्याची आधीची भेट नेमकी कोणत्या कारणासाठी होती, याचाही तपास पोलिसांकडून केला जाण्याची शक्यता आहे.
6 वर्षांनी दिशा सालियन प्रकरणाला नवं वळण; हायकोर्टाच्या आदेशानंतर CBI तपास, नेमकं काय घडलं होतं?
रोहनसोबत असलेल्या सुरक्षारक्षकाकडे शस्त्र असल्याचे समोर आल्याने या प्रकरणाचे गांभीर्य आणखी वाढले आहे. बनावट PMO ओळखपत्र, पंतप्रधानांचा कार्यक्रम, सुरक्षारक्षकाकडील शस्त्र आणि तिसऱ्या आरोपीचा सहभाग या सर्व बाबींच्या पार्श्वभूमीवर पोलिसांकडून तपास केला जात आहे. या प्रकरणात रोहनचा मित्र प्रथमेश बागुल याचा सहभाग असल्याचे तपासात समोर आले आहे. मात्र, तो सध्या फरार असून पोलिस त्याचा शोध घेत आहेत. तिसऱ्या आरोपीची भूमिका काय होती, त्याचा बनावट PMO आयडीशी संबंध होता का आणि कार्यक्रमात प्रवेश करण्याच्या प्रयत्नामागे नेमका काय उद्देश होता, याचा तपास आता पोलिसांकडून केला जात आहे.
मोठी बातमी! नरेंद्र मोदींच्या सुरक्षा व्यवस्थेत चूक; बंदुकधारी बॉडीगार्डसह 24 वर्षीय तरुण ताब्यात
या प्रकरणातील रोहन पारेख आणि त्याच्या सुरक्षारक्षकाला न्यायालयात हजर करण्यात आले. दोन्ही बाजूंचा युक्तिवाद ऐकल्यानंतर न्यायालयाने दोन्ही आरोपींना 11 सप्टेंबरपर्यंत पोलीस कोठडी सुनावली आहे.
दरम्यान, रोहन पारेखने आपण स्वतः या प्रकरणातील पीडित असल्याचा दावा केला आहे. त्यामुळे PMOच्या नावाने आलेल्या कथित ई-मेलची सत्यता आणि आरोपींच्या दाव्यांची पडताळणी हा या तपासातील महत्त्वाचा भाग ठरणार आहे.