Vikhe Patil Meets Anna Hazare at Hospital: ज्येष्ठ समाजसेवक पद्मभूषण अण्णा हजारे (Anna Hazare) यांची प्रकृती खालावल्याने त्यांना पुढील उपचारांसाठी मुंबईतील बॉम्बे हॉस्पिटलमध्ये दाखल करण्यात आले आहे. डॉक्टरांचे विशेष पथक त्यांच्या प्रकृतीवर लक्ष ठेवून आहे. त्यांच्या प्रकृतीबाबत माहिती मिळताच जलसंपदा मंत्री तथा अहिल्यानगरचे पालकमंत्री राधाकृष्ण विखे पाटील(Radhakrishna Vikhe Patil) यांनी रुग्णालयात जाऊन अण्णा हजारे यांची भेट घेतली.
हिंदी भाषा परीक्षा अखेर रद्द; मराठी अभ्यास केंद्राच्या मागणीला यश
यावेळी विखे पाटील यांनी अण्णांच्या प्रकृतीची विचारपूस केली. तसेच त्यांच्यावर सुरू असलेल्या उपचारांबाबत डॉक्टरांकडून सविस्तर माहिती घेतली. अण्णांना योग्य उपचार आणि आवश्यक वैद्यकीय सुविधा मिळाव्यात, याबाबत त्यांनी रुग्णालय प्रशासनाशीही चर्चा केली.
अण्णा हजारे यांची प्रकृती खालावल्याची माहिती मिळताच विखे पाटील यांनी तातडीने मुंबई गाठून त्यांची भेट घेतली. यापूर्वीही त्यांनी राळेगणसिद्धी येथे जाऊन अण्णांची भेट घेत त्यांच्या प्रकृतीची विचारपूस केली होती.
मोठा राडा; ओबीसी आंदोलकांचा मोर्चा पोलिसांनी अडवला, पाटस टोलनाक्यावर वातावरण पेटलं!
दरम्यान, प्रकृतीत अचानक बिघाड झाल्याने अण्णा हजारे यांना पुढील उपचारांसाठी मुंबईत हलवण्यात आले. त्यानंतर विखे पाटील यांनी रुग्णालयात पोहोचून डॉक्टरांकडून त्यांच्या उपचारांची माहिती घेतली आणि आवश्यक त्या सूचना दिल्या.