Mint leaves benefits : पुदिन्याचा चहा घेतला तर थकलेल्या माणसाला ताजेतवाने वाटते. एखाद्या पार्टीच्या ठिकाणी किंवा घरगुती मसालेदार डिशमध्ये पुदिना असेल तर आपल्या पोटाला आराम मिळतो. जेवणात पदार्थांची चव वाढवणे असो, चटणी बनवणे असो किंवा पुदिन्याचा चहा पिणे असो, पुदिन्याची पाने आपल्या शरीरासाठी फायदेशीरच आहेत.
नियमितपणे कोणत्याही स्वरूपात पुदिन्याचे सेवन केल्याने पोटाच्या गंभीर समस्या, पचन, सर्दी, खोकला आणि ताप यासारख्या समस्यांपासून आराम मिळण्यास मदत होते. पुदिन्यात व्हिटॅमिन सी, व्हिटॅमिन ए आणि व्हिटॅमिन बी कॉम्प्लेक्स असते.
याव्यतिरिक्त पुदिन्यातून आपल्याला लोह, पोटॅशियम आणि मॅंगनीज देखील मिळतात. जे शरीरासाठी फायदेशीर ठरू शकते. आज आपण पुदिन्याच्या पानांचे पाच जबरदस्त फायदे बघणार आहोत. पुदिन्याच्या पानांचे गुणधर्म तुमच्या शारीरिक आणि मानसिक आरोग्यासाठी खूप प्रभावीपणे काम करतात.
पुदिन्याच्या पानांचे 5 उत्तम फायदे
1) उत्तम पचन:
पुदिन्याची पाने पित्त आणि पाचक एन्झाईम्सचा प्रवाह सुरळीत करतात. त्यामुळे सूज येणे, अपचन आणि पोटातील जळजळ कमी करून पचनास मदत होते.
नाबार्ड डेअरी लोन योजनेचा लाभ कोणाला अन् कसा घेता येईल?
2) ओरल हेल्थ बूस्टर
पुदिन्याच्या पानांमध्ये प्रतिजैविक गुणधर्म असतात. यामुळे बॅक्टेरिया आणि दुर्गंधी कमी करतात आणि आपले तोंडाचे आरोग्य सुधारण्यासाठी मदत करतात.
3) त्वचेचे पोषण
पुदिन्याच्या पानांमध्ये थंडावा असतो हे आपल्याला माहीत आहे. त्याचा थंडावा शरीराला आराम देतो. यामुळे त्वचेचा दाह आणि पोटाची जळजळ कमी होते.
वंदे भारतमध्ये ‘Halal Certified Tea’ देण्यावरुन धिंगाणा; जाणून घ्या, काय आहे हलाल सर्टिफिकेशन?
4) श्वसन आरोग्यावर परिणाम
पुदिन्याच्या पानांमध्ये असलेले मेन्थॉल हे नैसर्गिक डिकॉन्गेस्टेंट म्हणून काम करते. हे नाकातील रक्तसंचय आणि सायनुसायटिस (बंद नाक) सारख्या श्वसन समस्यांपासून सुटका देते.
5. तणाव कमी करते
पुदिन्याच्या पानांमध्ये आकर्षक सुंगध असतो जे तणाव आणि चिंता कमी करण्यास मदत करतात.
