Ashok Dhodi News : पालघर (Palghar) जिल्ह्यातील शिवसेनेचे नेते अशोक धोडी (Ashok Dhodi) हे 20 जानेवारीपासून बेपत्ता होते. धोडी यांच्या अपहरणामुळे राज्यभरात खळबळ उडाली होती. आता याप्रकरणी एक मोठी अपडेट समोर आली आहे. गेल्या 12 दिवसांपासून बेपत्ता असलेल्या अशोक धोडी यांचा मृतदेह पोलिसांना कारच्या डिक्कीमध्ये आढळून आला आहे.
चूक नसतानाही राजीनामा दिला, तेलगी घोटाळा प्रकरणात छगन भुजबळांचा शरद पवारांवर निशाणा
20 जानेवारी 2025 रोजी अशोक धोडी यांचे अपहरण करण्यात आलं होतं. या प्रकरणी त्यांच्या कुटुंबीयांनी पोलिस ठाण्यात तक्रार दाखल केली होती. त्यानंतर धोडी यांच्या अपहरण प्रकरणाचा तपास पोलिस करत होते. या प्रकरणात पोलिसांनी चार जणांना अटक केली होती. तपासादरम्यान पोलिसांना त्यांच्या कारची माहिती मिळाली. गुजरातमधील सरीग्राम मालाफलिया येथील बंद दगड खाणीजवळील तलावात ही कार पोलिसांना आढळून आली. पाण्याची खोली जास्त असल्याने कार काढण्यात खूप अडचणी आल्या. मात्र, हायड्रा आणि गोताखोरांची मदत घेऊन ही बाहेर काढण्यात आली आहे. ही कार अशोध धोडी यांचीच असल्यानं सर्वत्र एकच खळबळ उडाली आहे.
रवींद्र धंगेकर कॉंग्रेसला सोडचिठ्ठी देणार? पटोले म्हणाले, ‘काही लोक जिकडे सत्ता तिकडे…’
पोलिसांनी कारला बाहेर काढले काढल्यानंतर कारची पाहणी केली असता कारच्या डिक्कीमध्ये अशोक धोडी यांचा मृतदेह सापडला. पोलिसांनी दिलेल्या माहितीनुसार, मालमत्ता आणि जमिनीच्या वादातून अशोक धोडी यांचे अपहरण करून हत्या करण्यात आली.
कार तलावातून बाहेर काढण्यापूर्वी एक काळे जॅकेट आणि पांढरे हेडफोन देखील पोलिसांच्य हाती लागले. दरम्यान, पालघरचे पोलिस अधीक्षक बाळासाहेब पाटील हे स्वत: या प्रकरणाचा तपास करत आहेत.
दोषींवर कठोर कारवाई करणार…
पालघरचे पालकमंत्री गणेश नाईक यांनी आज (३१ जानेवारी) अशोक धोडी यांच्या कुटुंबाची भेट घेतली. यावेळी बोलतांना ते म्हणाले की, या प्रकरणावर माझं बारीक लक्ष असून जे कोणी या प्रकरणात दोषी असतील, त्यांच्यावर कठोर कारवाई करण्यात येईल, असं ते म्हणाले.
