Municipal Council Elections : अहिल्यानगर जिल्ह्यातील 12 पैकी 4 नगरपरिषद निवडणुका रद्द करुन पुढे ढकलण्यात आले असल्याची माहिती राज्य निवडणूक आयोगाने दिली आहे. राज्य निवडणूक आयोगाने दिलेल्या माहितीनुसार, कोपरगाव (Kopargaon) , देवळाली (Devlali) , नेवासा (Nevasa) आणि पाथर्डी (Pathardi) या चार ठिकाणी नगराध्यक्षपदाच्या उमेदवाराबद्दल कोर्टात अपील असल्याने नगरपरिषद निवडणूक पुढे ढकलण्यात आल्या आहे. याबरोबरच सात नगरसेवक पदाच्या उमेदवाराबाबत कोर्टात अपील असल्याने त्या ठिकाणी देखील मतदान प्रक्रिया पुढे ढकलण्यात आल्या आहेत.
तर आता पुढे ढकललेल्या नगरपरिषद आणि नगरसेवक पदाच्या निवडणूक प्रक्रियेमध्ये 10 डिसेंबरपर्यंत माघार घेण्याची मुदत देण्यात आली तर 20 डिसेंबर रोजी मतदान होणार असून 21 डिसेंबर रोजी मतमोजणी होणार असल्याची देखील माहिती राज्य निवडणूक आयोगाने (Maharashtra Election Commission) दिली आहे.
तर दुसरीकडे फलटण आणि महाबळेश्वर नगरपरिषदेसाठी होणारी निवडणूक देखील राज्य निवडणूक आयोगाने पुढे ढकलण्यात आली असल्याची माहिती दिली आहे. दोन्ही नगरपरिषदेसाठी 20 डिसेंबर रोजी मतदान तर 23 डिसेंबर रोजी निकाल जाहीर करण्यात येणार असल्याची माहिती आता राज्य निवडणूक आयोगाकडून देण्यात आली आहे. त्यामुळे याठिकाणी 2 डिसेंबर रोजी होणारी निवडणूक आता रद्द करण्यात आली आहे. तर आता अहिल्यानगर जिल्ह्यातील 12 पैकी 4 नगरपरिषदेसाठी होणारी निवडणूक देखील रद्द करुन पुढे ढकलण्यात आली आहे.
India vs South Africa : आज मैदानावर उतरताच ‘रो-को’ रचणार इतिहास; मोडणार सचिन-द्रविडचा मोठा विक्रम
नेमकं प्रकरण काय?
निवडणूक निर्णय अधिकारी यांनी उमेदवारांना आपला नामनिर्देशित पत्र माघारी घेण्यासाठी आवश्यक कालावधी न देता चिन्ह वाटप केले. या नियमांचा पालन न केल्याने आता उच्च न्यायालयाने फलटण आणि महाबळेश्वर नगरपरिषद निवडणूक रद्द करुन दोन्ही ठिकाणी पुन्हा एकदा नगरपरिषदेचे कार्यक्रम घेण्याचे निर्देश दिले आहेत. उच्च न्यायालायने दिलेल्या निर्देशांनुसार आता फलटण आणि महाबळेश्वर नगरपरिषदेसाठी 4 डिसेंबर रोजी निवडणूक कार्यक्रम जाहीर करण्यात येणार असून नामनिर्देशित पत्र 10 डिसेंबर दुपारी तीन वाजेपर्यंत मागे घेण्याचा अवधी देण्यात येणार असल्याची माहिती राज्य निवडणूक आयोगाने दिली आहे. तर या दोन्ही नगरपरिषदेसाठी 20 डिसेंबर रोजी मतदान होणार आणि 23 डिसेंबर रोजी निकाल जाहीर करण्यात येणार असल्याची माहिती राज्य निवडणूक आयोगाने दिली आहे.