Lookout notice issued against Ashok Kharat’s absconding wife : शिर्डीतून एक धक्कादायक प्रकरण समोर आले आहे. शेकडो महिलांचे लैंगिक शिक्षण केल्याच्या आरोपाखाली अटकेत असलेला भोंदूबाबा अशोक खरात याच्या विरोधात गुन्ह्यांची मालिका सुरूच आहे. दरम्यान, अनेक पीडित महिला समोर येत असून केवळ शोषणच नव्हे तर फसवणूक आणि आर्थिक गैव्यवहाराबाबत देखील तक्रारी नोंदवत आहेत. या प्रकरणात नवा ट्विस्ट समोर आला आहे. अशोक खरात सावकारकीचा व्यवसाय देखील करत असल्याचे उघड झाले असून त्यामध्ये त्याची पत्नी कल्पना खरात ही देखील सहभागी असल्याचे समोर आले आहे.
त्यामुळे पोलिसांनी तिच्याविरोधात देखील गुन्हा दाखल केला आहे. मात्र, गुन्हा दाखल होताच कल्पना खरात फरार झाली आहे. दरम्यान, कल्पना खरात परदेशात पळून जाण्याची शक्यता लक्षात घेऊन शिर्डी पोलिसांनी तिच्याविरोधात लुकआऊट नोटीस जारी केली आहे. या नोटिसीमुळे देशातील सर्व विमानतळांवर तिच्या परदेश प्रवासावर बंदी घालण्यात आली असून नाकेबंदी करण्यात आली आहे. पोलिसांकडून सध्या तिचा शोध सुरू आहे. विशेष म्हणजे, यापूर्वी अशोक खरात देखील परदेशात पळून जाण्याच्या तयारीत होता.
राष्ट्रवादीतील वादावर पार्थ पवार पहिल्यांदा बोलले; सुनील तटकरे, पटेलांवर काय म्हणाले ?
मात्र पोलिसांनी वेळीच कारवाई करत त्याला अटक केली होती. त्याच पार्श्वभूमीवर आता कल्पना खरातलाही देशाबाहेर जाण्यापासून रोखण्यासाठी कडक पावले उचलण्यात आली आहेत. दरम्यान, शिर्डीतील 4 एकर भूखंडाच्या खरेदी-विक्री प्रकरणात देखील मोठी फसवणूक उघडकीस आली आहे. याप्रकरणी मूळ जमीन मालक रावसाहेब गोंदकर यांनी तक्रार दाखल केली आहे. कर्ज देण्याच्या बहाण्याने सावकारीच्या जाळ्यात अडकवून जमीन बळकावल्याचा आरोप करण्यात आला आहे.
याप्रकरणी शिर्डी पोलिसांनी अशोक खरात, कल्पना खरात यांच्यासह अरविंद बावके, किरण सोनवणे आणि अशोक तांबे या पाच जणांविरुद्ध फसवणूक आणि सावकारी कायद्यांतर्गत गुन्हा दाखल केला आहे. एकीकडे लैंगिक शोषणाच्या गंभीर आरोपांमुळे आधीच खळबळ उडालेली असताना, आता आर्थिक फसवणुकीचेही धक्कादायक तपशील समोर येत असल्याने हे प्रकरण अधिकच गंभीर बनले आहे. पोलिस तपास सुरू असून आणखी धक्कादायक माहिती समोर येण्याची शक्यता व्यक्त केली जात आहे.