Manoj Jarange Criticize to Ajit Pawar on Dhananjay Munde return in Cabinate : राज्याचे कृषिमंत्री माणिकराव कोकाटे यांच्या सभागृहातील रमी गेम खेळतानाच्या व्हिडिओनंतर त्यांचं मंत्रिपद धोक्यात आलं आहे. याच दरम्यान धनंजय मुंडे यांना क्लीन चिट मिळाल्याने ते मंत्रिमंडळात परत येणार असल्याचे चर्चा देखील सुरू झाल्यात यावरून मराठा आरक्षणासाठी आंदोलन करणारे मनोज जरांगे यांनी अजित पवारांवर निशाणा साधला आहे.
काय म्हणाले मनोज जरांगे?
अजित पवार वेगळे स्वप्न पाहत आहेत. जे माजी मंत्री होते त्या सरमाड्याला पाठबळ द्यायला पाहत आहेत. त्याला मंत्रिपद देणार आहेत. तुम्हाला काय विकार आठवत आहेत. यालाच विनाश काली विपरीत बुद्धी म्हटले जाते. ही वारकरी संप्रदायाची म्हण अजित पवार आणि देवेंद्र फडणवीसांबाबत खरी ठरत आहे. कारण तुम्ही महादेव मुंडेंचे आरोपी पकडत नाही आहात. तुम्हाला गुंडांच्या टोळ्या चालवणारा नेता जगवायचा आहे. संतोष देशमुख यांचा खून करणारा आरोपी जेलमधून जर बाहेर फोन करत आहे. एवढी त्याला मुभा आहे. तसेच मुंडेंना आता मंत्रिपद देण्याचे तुम्ही विचार करत आहात.
अनुभवातून लक्षात आले की, सरकार निकम्मी… गडकरींच्या विधान अन् चर्चांना उधान
धनंजय मुंडे पुन्हा मंत्री होणार?
राज्याचे माजी मंत्री धनंजय मुंडे यांना मुंबई उच्च न्यायालयाने एका (Dhananjay Munde) प्रकरणात क्लिनचीट दिली. मुंडे कृषिमंत्री असताना त्यांच्या कार्यकाळात कृषी साहित्याची थेट खरेदीचा निर्णय योग्यच होता असा निर्वाळा न्यायालयाने दिला. यानंतर मुंडेंचं पुनर्वसन होणार, त्यांना पुन्हा मंत्रिपद मिळणार अशा चर्चा सुरू झाल्या आहेत. यावर आता राज्याचे उपमुख्यमंत्री अजित पवार (Ajit Pawar) यांनीही सकारात्मक संकेत दिले आहेत. तर आम्ही धनंजय मुंडेंना संधी देऊ असे वक्तव्य अजित पवार यांनी केले आहे. त्यांच्या या वक्तव्याची जोरदार चर्चा राजकीय वर्तुळात सुरू झाली आहे.
मुंबई-पुण द्रुतगती मार्गावर भीषण अपघात, ट्रेलरची 20 वाहनांना धडक; 4 जणांचा मृत्यू
अजित पवार यांनी पुण्यात प्रसारमाध्यमांशी संवाद साधला. पत्रकारांनी त्यांना धनंजय मुंडे यांच्याबाबतीत विचारले असता ते म्हणाले, धनंजय मुंडेंच्या बाबतीत तुम्ही पेपरमध्ये वाचलं. त्यांच्यावर कृषी विभागाच्या संदर्भात जे आरोप झाले त्यात न्यायालयाने काय सांगितलं कुठेही त्यांचा दोष नाही त्यांना क्लिनचीट दिली. परंतु, त्यांची जी काही बदनामी व्हायची ती झाली. यातून बाहेर पडताना त्यांना जो त्रास सहन करावा लागला. मनस्ताप झाला. त्यांच्या कुटुंबियांना जो मनस्ताप झाला तो पुन्हा भरून येऊ शकत नाही.
