Bala Bangar : गोट्या गित्ते (Gotya Gitte) हा नामचीन गुंड आहे. महादेव मुंडे (Mahadev Munde) याच्या खून प्रकरणात देखील मुख्य सूत्रधार तोच होता. आता गेल्या अनेक दिवसांपासून तो मला धमक्या देत आहे, असा आरोप शरद पवार गटाचे आमदार जितेंद्र आव्हाड (Jitendra Awhad) यांनी केला. त्यानंतर आता बाळा बांगर (Bala Bangar) यानेही असाच खळबळजनक दावा केला. गोट्या गित्ते आणि तांदळे नामक युवकाने मुंबईत जाऊन जितेंद्र आव्हाड (Jitenda Awhad) यांना मारण्यासाठी रेकी केली होती, असा दावा बांगर यांनी केला.
विदर्भ, मराठवाड्यातील ‘या’ जिल्ह्यांना यलो अलर्ट; पुढील 4 दिवसांत राज्यभरात पावसाची हजेरी
बाळा बांगर यांनी एका वृत्त वाहिनीशी संवाद साधला. यावेळी बोलताना ते म्हणाले, गोट्या गित्तेनं आणि वाल्मिक कराडच्या तांदळे नामक गुंडान सुरेश धस, बाळा बांगर अन् जितेंद्र आव्हाड यांना जीवे मारण्याच्या धमक्या दिल्या. गोट्या गित्ते आणि तांदळे नामक गुंडाने वाल्मिक कराडच्या सांगण्यानुसार, मागच्या ऑगस्टमध्ये, सप्टेंबरमध्ये मुंब्र्यामध्ये जाऊन रेली केली होती. त्यामुळे तांदळे आणि गित्ते या सराईत गुन्हेगारांवर कारवाई करावी, असंही गित्ते यांनी म्हटलं.
गोट्या गित्ते हा सायको किलर
गोट्या गित्ते हा सायको किलर आहे. छोट्या गुन्ह्यापासून ते मोठ्या गुन्ह्यांपर्यंत त्याचा हात आहे. गोट्या गित्तेल मोक्का अंतर्गत अटक करायला पाहिजे होती. मी सांगत होतो, त्यावेळेला गोट्या परळीतच होता. पण, पोलिसांनी त्यावेळी कारवाई केली नाही. आता तो व्हिडिओ व्हायरल करतोय आणि आपण पाहतोय. गोट्या गित्तेचं किर्तन ऐकायची वेळ आली, पण पोलिस कारवाई करेनात, असं बाळा बांगर यांनी म्हटलं.
श्री कराड परदेशात जाण्याच्या प्रयत्नात…
मला मिळालेल्या प्राथमिक माहितीनुसार, श्री कराड भूतान, नेपाळमधून इतर देशांमध्ये पळून जाण्याचा प्रयत्न करत आहेत. पंकज कुमावत हे श्री कराड आणि वाल्मिक कराडच्या टोळीला पाताळातून पण शोधून काढतील. परळीतल्या घरा-घरात माहित आहे, महादेव मुंडेंची हत्या कोणी केली, असंही बाळा बांगर यांनी म्हटलं.
