Encroachment Campaign in Chhatrapati Sambhajinagar : छत्रपती संभाजीनगर महानगरपालिकेची सध्या अतिक्रमन मोहीम सुरू आहे. शहरातील जालना रोड, पैठण रोड आणि पडेगाव रस्त्यावरील सुमारे चार हजारांहून अधिक अनधिकृत मालमत्तांवर बुलडोझर फिरवला आहे. (Sambhajinagar) सोमवार, 7 जुलै रोजी हरसुल टी पॉईंट ते सिडको बसस्थानक आणि हर्सुल टी पॉईंट ते दिल्ली गेट रस्त्यावरील अतिक्रमणं हटवण्याची कारवाई नियोजित आहे.
या भागात मार्किंग पूर्ण झाले असून, साडेसहाशेपेक्षा जास्त अतिक्रमणे असल्याचे महापालिकेने नमूद केले आहे. दिल्ली गेट ते हरसुल टी पॉईंट रस्त्यावर आज सकाळपासून अतिक्रमण हटवण्याची मोहीम सुरू आहे. या कारवाईदरम्यान पोलिस, महापालिकेचे सुरक्षा कर्मचारी आणि स्थानिक नागरिकांमध्ये वादावादी आणि धक्काबुक्कीच्या घटना घडल्या. दिल्ली गेट परिसरात तणावपूर्ण वातावरण असून, कारवाई सुरळीत पार पाडण्यासाठी मोठा पोलीस बंदोबस्त तैनात करण्यात आला आहे.
छत्रपती संभाजीनगरमध्ये अतिक्रमन हटाव मोहिमेत अनेक घरं, दुकानं जमीनदोस्त, लोकांचा मदतीसाठी आक्रोश
