OBC Reservation : राज्य सरकारने हैद्राबाद गॅझेट लागू करण्याच निर्णय घेतल्यानंतर राज्यात मराठा आणि ओबीसी (OBC Reservation) संघर्ष होत असल्याचं पाहायला मिळत आहे. अशातच आता मराठा आरक्षणाच्या जीआरविरोधात ओबीसींनी आज बीडमध्ये एल्गार पुकारलायं. याआधीची सभा रद्द करुन आज बीडमध्ये ही जाहीर सभा पार पडणार आहे. राज्यातील सर्वच ओबीसी नेते या सभेला उपस्थित राहणार असून एक प्रकारे ओबीसी समाजाकडून मोठ्या प्रमाणात शक्तीप्रदर्शन करण्यात येणार आहे.
आयोगात भाजपचा पदाधिकारी? रोहित पवारांकडून राहुल गांधींप्रमाणे थेट फोटो दाखवत मतचोरीची पोल खोल
या एल्गारला मंत्री छगन भुजबळ उपस्थित राहणार असून या सभेत भुजबळ काय बोलणार? याकडं लक्ष लागलेलं असतानात मनोज जरांगे यांनी छगन भुजबळ यांच्यावर जोरदार वार केलायं. छगन भुजबळ मराठा समाजाविरोधात षडयंत्र रचत असून अलिबाबाच्या षडयंत्रात ओबीसी नेते अडकले आहेत, त्यांनी आता माकडचाळे बंद करावेत. अलिबाबा अजित पवारांवर दबाव आणतो, हैदराबाद गॅझेटच्या जीआर आड लपतो, मराठा आरक्षणाला विरोध करतो, या शब्दाांत तिखट टीका मनोज जरांगे यांनी भुजबळ यांच्यावर केलीयं.
लेखिका आणि आशियातील पहिल्या महिला सिनेमॅटोग्राफर बी.आर. विजयालक्ष्मी यांचे सोनम कपूरकडून कौतुक
काही दिवसांपूर्वीच बीडमध्ये पार पडलेल्या दसरा मेळाव्यातून आमदार धनंजय मुंडे यांनी मनोज जरांगे यांच्यावर सडकून टीका केली होती. कोण कोणाला फसवतं, ओबीसींंच्या ताटातलं आरक्षण कोणाला दिलं जाऊ नये, असं धनंजय मुंडे म्हणाले होते. त्यानंतर आता आज पुन्हा ओबीसी समाजाची सभा पार पडणार आहे. या सभेला राज्यातील ओबीसी नेते आमदार गोपीचंद पडळकर, लक्ष्मण हाके, आमदार धनंजय मुंडे यांच्यासह सर्वच नेते उपस्थित राहणार आहेत. त्यामुळे या सभेतून ओबीसी नेते मनोज जरांगेंना काय प्रत्युत्तर देणार याकडं सर्वांचंच लक्ष लागून राहिलंय.