राज्यातील नगरपंचायतींच्या निवडणुकांचा प्रचार अंतिम टप्प्यात आहे. (Beed) यामध्ये दोन्ही उपमुख्यमंत्री प्रचार दौरे करत असून बीड नगरपालिकेसाठी राष्ट्रवादी काँग्रेसच्या उमेदवाराच्या प्रचारार्थ बीड शहरातील बशीरगंज भागात उपमुख्यमंत्री अजित पवार यांची जाहीर सभा संपन्न झाली. या सभेत इथे 150 कोटींची गफळा झालाय, याप्रकरणी दोषी असणाऱ्यांवर कारवाई करेल, असा थेट इशारा अजित पवारांनी दिल्या असल्याने आता वेगवेगळ्या चर्चा रंगल्या आहेत.
बाकीच्या जिल्ह्यामध्ये विकासाला निधी दिल्यानंतर विकास होतो. पण, आपल्या इथं काहीच होत नाही, क्रिडांगण नाही, जॉगिंग ट्रॅक नाही. मागच्या काळातला निधी चांगल्या पद्धतीने खर्च झाला नाही, त्याबाबतची माहिती घेण्याचं काम सुरू आहे, त्याची चौकशी लावलेली आहे. इथं दीडशे कोटी रुपयांचा गफला झालाय असं समोर आलंय, याप्रकरणी जे दोषी असतील त्यांच्यावर आम्ही कारवाई करतोय. मात्र, ही खूप मोठी साखळी आहे, असंही अजित पवार यांनी म्हटलं आहे.
बीड जिल्हा म्हणजे युद्धभूमी, कुणी येतो अन् जातीवर जातो, जयदत्त क्षीरसागरांनी व्यक्त केली खंत
बीडमधल्या विविध पतसंस्थांमध्ये 6 ते 7 कोटी अडकले आहेत. अनेकांनी आत्महत्या केल्या, ज्यांच्यामुळे आत्महत्या केल्या, त्यांच्यावर मनुष्यवधाचा गुन्हा दाखल केला पाहिजे. इथे कुणी दुर्लक्ष केलं कोण कमी पडलं? जे इथलं नेतृत्व करतात त्यांना कळत नाही. एका परिवाराच्या हातात हे दिलं आहे. तुम्ही माझ्या हातात 5 वर्ष द्या, असं आवाहन अजित पवारांनी येथील जनतेला केलं आहे. दरम्यान, तुमचं माझं जे काही बरं वाईट होईल ते या बीडमधून होणार आहे. नसेल निवडून द्यायचं तर राहा मागं, काय माझ्या बापाचं, काकाच जातंय, असंही अजित पवार म्हणाले आहेत.
मला एकदा संधी देऊन बघा, मी बारामती बदलुन दाखवली आहे. इथं रस्त्यात खड्डाय की खड्ड्यात रस्ता हेच कळत नाही, याला जबाबदार कोण? असं म्हणत अजित पवारांनी दोन्ही क्षीरसागरांवर निशाणा साधला. भाजी मंडई बांधता आणि तिथे भाजी विकायला लोक बसत नाहीत, रस्त्यावर बसतात. ही तुमची कर्तबगारी, त्याच्यासाठी तुम्ही नेतृत्व केलं? असा सवालही अजित पवारांनी विचारला आहे.