NCP Meeting In Nanded In Presence Of Ajit Pawar : नांदेडमध्ये आज उपमुख्यमंत्री अजित पवार (Ajit Pawar) यांच्या उपस्थितीत राष्ट्रवादी कॉंग्रेसच्या पदाधिकाऱ्यांची बैठक पार पडली. यावेळी अजित पवारांनी पदाधिकाऱ्यांना तंबी दिल्याचं समोर आलंय. आजच्या बैठकीला नांदेड, लातूर, परभणी आणि हिंगोली जिल्ह्यातील राष्ट्रवादी कॉंग्रेसच्या पदाधिकाऱ्यांसोबत (NCP Meeting In Nanded) मंत्री बाबासाहेब पाटील, नवाब मलिक, प्रताप चिखलीकर, राजू नवघरे, संजय बनसोडे यांची उपस्थिती असल्याची माहिती मिळतेय.
सुजय विखेंना राज्यसभेवर पाठविणार, शिवाजी कर्डिलेंचा ‘शब्द’… पण राम शिंदेंचा श्रद्धा व सबुरीचा सल्ला
दरम्यान आजच्या बैठकीत बोलताना अजित पवारांनी पक्षातील पदाधिकाऱ्यांना (Maharashtra Politics) चांगलीच तंबी दिल्याची माहिती मिळतेय. अजित पवार पदाधिकाऱ्यांना म्हणाले की, वेळ निघून गेल्यावर पश्चाताप करण्यामध्ये काहीही उपयोग नाही. चारही जिल्ह्यांमध्ये पक्षाचा पुरोगामी विचार वाढवण्याचं काम करावं लागणार आहे. लवकरच स्थानिक स्वराज्य संस्थांच्या निवडणुका येतील. आपल्याला निवडणूक कार्यक्रमाची घोषणा झाल्यानंतर काम करून चालणार नाही, तर आताच कामाला सुरूवात करावी लागेल, असं देखील अजित पवारांनी पक्षातील नेत्यांना सांगितलंय.
महामंडळांचं 36 जिल्हे डोळ्यासमोर ठेवून वाटप होईल. ज्या नेत्याच्या भागामध्ये सदस्य संख्या कमी होईल, त्यांचं कौतुक वेगळ्या पद्धतीने होईल. त्यांना विश्रांतीची गरज आहे, अशीच तंबी बैठकीत अजित पवारांनी पदाधिकाऱ्यांना दिलीय. महायुतीसोबत असलो तरी आपण आपली विचारधारा सोडलेली नाही. आपण त्यांच्यासोबत विकासाच्या मुद्द्यांवर काम करतोय, असं देखील अजित पवार यांनी पक्षातील पदाधिकाऱ्यांना सांगितलं आहे.
‘पुरावे असतील, तरच धनंजय मुंडेंवर कारवाई होईल…’ देवेंद्र फडणवीसांचं मोठं वक्तव्य
मोदी साहेब पंतप्रधान झाल्यानंतर त्यांनी विकासाला अधिक प्राधान्य दिलंय. महायुतीमध्ये वाद होतील, असं माझ्या पक्षातील प्रवक्त्याने, कार्यकर्त्यांनी बोलायला नाही पाहिजे, असं बोलणं टाळलं पाहिजे, असं देखील अजित पवारांनी कार्यकर्त्यांना बजावलंय. महायुतीने शब्द दिला असून पाच वर्षांचं सरकार आहे. गरीब महिलांसाठी लाडकी बहीण योजना असून ती बंद करणार नाही, असं अजित पवार म्हटले आहेत.
