Rohit Pawar Post On Sonia Gandhi : महाराष्ट्राच्या राजकारणात सध्या राष्ट्रवादी काँग्रेसच्या दोन्ही गटांच्या संभाव्य विलीनीकरणावरून जोरदार चर्चा सुरू आहे. एकीकडे शरद पवार आणि अजित पवार गटातील नेत्यांच्या भेटीगाठींमुळे राजकीय समीकरणांची चर्चा रंगली असताना दुसरीकडे आमदार रोहित पवार यांच्या एका सोशल मीडिया पोस्टने नव्या चर्चांना तोंड फोडले आहे. काँग्रेसच्या ज्येष्ठ नेत्या सोनिया गांधी यांच्या ‘Belonging: A Journey of Love’ या पुस्तकाचे कौतुक करत रोहित पवार यांनी त्यांच्या संघर्षमय जीवनप्रवासाला सलाम केला आहे. त्यामुळे रोहित पवार काँग्रेसच्या जवळ जात आहेत का? राष्ट्रवादीच्या संभाव्य विलीनीकरणाबाबत त्यांची काही वेगळी भूमिका आहे का? असे प्रश्न उपस्थित होऊ लागले आहेत.
रोहित पवार यांनी त्यांच्या पोस्टमध्ये सोनिया गांधी यांच्या आयुष्यातील संघर्ष, वैयक्तिक आयुष्यातील दुःख आणि प्रतिकूल परिस्थितीतही त्यांनी दाखवलेली जिद्द यांचा उल्लेख केला आहे. वयाच्या 21 व्या वर्षी इटलीमधील आपले घर आणि परिचित जग मागे सोडून भारतात आलेल्या सोनिया गांधी यांनी अनेक संकटांचा सामना केला. इंदिरा गांधी आणि राजीव गांधी यांच्या हत्येसारख्या वैयक्तिक दुःखांनंतरही त्यांनी स्वतःला सावरत सार्वजनिक जीवनात योगदान दिले. त्यांचा हा प्रवास केवळ राजकीय नसून संघर्ष, धैर्य आणि माणुसकीची कहाणी असल्याचे रोहित पवार यांनी आपल्या पोस्टमधून अधोरेखित केले आहे.
सोनियांनी दिलेली साथही अधोरेखित
रोहित पवार यांच्या पोस्टमधील आणखी एक महत्त्वाचा संदर्भ म्हणजे अजित पवार यांच्या विमान अपघाताची निष्पक्ष चौकशी करण्याची मागणी. या संदर्भात संसदेत सोनिया गांधी यांची भेट घेतल्याचे त्यांनी नमूद केले. या कठीण प्रसंगी सोनिया गांधी यांनी कुटुंबातील सदस्याप्रमाणे त्यांच्या भावना समजून घेतल्या आणि त्यांच्या मागणीला पाठिंबा दिला, असे रोहित पवार यांनी म्हटले आहे. स्वतःच्या आयुष्यात अशाच दुःखद प्रसंगांना सामोरं गेलेल्या व्यक्तीलाच दुसऱ्याच्या वेदनेची तीव्रता इतक्या संवेदनशीलतेने समजू शकते, याची प्रचिती त्या भेटीत आल्याचे रोहित पवार यांनी म्हटले आहे.
पोस्ट नेमकी काय?
श्रीमती सोनिया गांधी जी यांच्या ‘Belonging: A Journey of Love’ या पुस्तकाच्या माध्यमातून त्यांचा जीवनप्रवास वाचकांसमोर आला असताना, माझ्या मनात राजकारणापलीकडच्या एका संवेदनशील, संघर्षशील व कणखर व्यक्तिमत्त्वाचे विचार येत आहेत. अवघ्या २१ व्या वर्षी आपलं घर, माणसं आणि परिचित जग मागं सोडून त्यांनी भारतात पाऊल ठेवलं आणि आपलं घर मानलं. मात्र, याच प्रवासात १९८४ मध्ये इंदिराजींचं तर १९९१ मध्ये राजीवजींचं दुःखद निधन अशा दोन आघातांना त्यांना सामोरं जावं लागलं. वैयक्तिक आयुष्यात इतकं मोठं दुःख सहन केल्यानंतरही त्यांनी परत जाण्याचा मार्ग न निवडता या देशाशी असलेलं नातं अधिक घट्ट करत सार्वजनिक जीवनात स्वतःला झोकून दिलं. संकटांनी खचून न जाता उभं राहण्याची त्यांची ही जिद्द खऱ्या अर्थाने प्रेरणादायी आहे.
त्यांच्या या संवेदनशील स्वभावाचा अनुभव मी स्वतः घेतला. अजितदादांच्या विमान अपघाताची निष्पक्ष चौकशी व्हावी, या मागणीसाठी संसदेत त्यांची भेट घेतली असता त्यांनी केवळ आमचं म्हणणं ऐकून घेतलं नाही, तर एखाद्या कुटुंबातील सदस्याप्रमाणे आमच्या दुःखाची जाणीव ठेवत या मागणीला ठाम पाठिंबा दिला. स्वतःच्या आयुष्यात अशाच दुःखद प्रसंगांना सामोरं गेलेल्या व्यक्तीलाच दुसऱ्याच्या वेदनेची तीव्रता इतक्या संवेदनशीलतेने समजू शकते, याची प्रचिती त्या भेटीत आली. आदरणीय सोनियाजींचा जीवनप्रवास हा केवळ एका व्यक्तीचा संघर्ष नाही, तर तो भारताच्या उदारमतवादी, सर्वसमावेशक व माणुसकी जपणाऱ्या संस्कृतीचंही प्रतिबिंब आहे.
शेवटी, माणसाची ओळख त्याने जपलेल्या नात्यांतून, संकटांशी दिलेल्या लढ्यातून आणि इतरांच्या दुःखात दाखवलेल्या माणुसकीतून निर्माण होते. सोनियाजींच्या जीवनप्रवासातून हाच मानवी मूल्यांचा संदेश अधोरेखित होतो. त्यांच्या ‘Belonging: A Journey of Love’ या पुस्तकाला माझ्या मनापासून शुभेच्छा! हे पुस्तक श्रीमती सोनिया जी गांधी यांच्यावर, गांधी-नेहरु कुटुंबावर आणि काँग्रेसवर निष्ठा व प्रेम असलेल्या देशभरातील कोट्यवधी कार्यकर्त्यांसाठी नक्कीच प्रेरणादायी ठरेल!
रोहित पवारांच्या पोस्टचे राजकीय अर्थ काय?
रोहित पवार यांनी सोनिया गांधींचे केलेले कौतुक केवळ एका पुस्तकापुरते मर्यादित नसून, त्यातून राजकीय संदेश दिला जात असल्याची चर्चा सुरू झाली आहे. राष्ट्रवादी काँग्रेसच्या अजित पवार आणि शरद पवार गटांच्या संभाव्य विलीनीकरणाच्या चर्चांदरम्यान रोहित पवार यांची भूमिका काय असेल, याकडे राजकीय वर्तुळाचे लक्ष लागले आहे. या विलीनीकरणाच्या चर्चांवरून ते नाराज असल्याचे दावेही केले जात आहेत. विशेष म्हणजे, राष्ट्रवादी काँग्रेस (शरदचंद्र पवार) पक्षाच्या कोअर कमिटीच्या सलग तीन बैठकांना ते अनुपस्थित होते.
रोहित पवार संभाव्य विलीनीकरणाबाबत अस्वस्थ आहेत का? सोनिया गांधी आणि काँग्रेसचे कौतुक करून ते पक्षातील नेत्यांना काही राजकीय संदेश देत आहेत का? भविष्यात दोन्ही राष्ट्रवादी काँग्रेस गटांचे विलीनीकरण झाल्यास रोहित पवार काँग्रेसचा पर्याय निवडणार का? असे काही प्रश्न या पार्श्वभूमीवर उपस्थित होत आहेत.
Letsupp दिवाळी अंक २०२६ महाराष्ट्रात कुठेही मागवण्यासाठी या लिंकवर क्लिक करा.
रोहित पवार काँग्रेसच्या वाटेवर?
रोहित पवार यांनी सोनिया गांधी यांचे केलेले कौतुक आणि त्याचवेळी राष्ट्रवादीच्या विलीनीकरणाबाबत घेतलेली भूमिका यामुळे त्यांच्या पुढील राजकीय वाटचालीबाबत चर्चा सुरू झाली आहे. राष्ट्रवादीचे दोन्ही गट एकत्र आल्यास पक्षाची विचारधारा, नेतृत्व आणि भाजपसोबतच्या राजकीय भूमिकेचा प्रश्न महत्त्वाचा ठरणार आहे. कारण, रोहित पवार हे भाजपच्या नेतृत्वाखालील सरकारचे सातत्याने टीकाकार राहिले आहेत. त्यामुळे भविष्यात राष्ट्रवादीच्या राजकारणात त्यांच्या भूमिकेला अपेक्षित महत्त्व मिळाले नाही, तर ते कोणती राजकीय भूमिका घेणार, याकडे लक्ष असेल.
एकीकडे राष्ट्रवादीच्या दोन्ही गटांच्या एकत्र येण्याच्या शक्यतेवर चर्चा सुरू आहे, तर दुसरीकडे रोहित पवार यांच्या सोनिया गांधींबाबतच्या सकारात्मक भूमिकेने वेगळाच राजकीय संदर्भ निर्माण केला आहे. आगामी काळात राष्ट्रवादीचे दोन्ही गट एकत्र येणार का, एकत्र आल्यास पक्षाची दिशा काय असेल आणि रोहित पवार यांची भूमिका काय राहणार, हे महत्त्वाचे प्रश्न असतील. त्यामुळे रोहित पवारांची ही पोस्ट केवळ एका पुस्तकाचे कौतुक आहे की महाराष्ट्राच्या राजकारणातील भविष्यातील भूमिकेची नांदी याकडे सर्वांच्या नजरा लागून राहिलेल्या आहेत.
श्रीमती सोनिया गांधी जी यांच्या ‘Belonging: A Journey of Love’ या पुस्तकाच्या माध्यमातून त्यांचा जीवनप्रवास वाचकांसमोर आला असताना, माझ्या मनात राजकारणापलीकडच्या एका संवेदनशील, संघर्षशील व कणखर व्यक्तिमत्त्वाचे विचार येत आहेत. अवघ्या २१ व्या वर्षी आपलं घर, माणसं आणि परिचित जग मागं सोडून त्यांनी भारतात पाऊल ठेवलं आणि आपलं घर मानलं. मात्र, याच प्रवासात १९८४ मध्ये इंदिराजींचं तर १९९१ मध्ये राजीवजींचं दुःखद निधन अशा दोन आघातांना त्यांना सामोरं जावं लागलं. वैयक्तिक आयुष्यात इतकं मोठं दुःख सहन केल्यानंतरही त्यांनी परत जाण्याचा मार्ग न निवडता या देशाशी असलेलं नातं अधिक घट्ट करत सार्वजनिक जीवनात स्वतःला झोकून दिलं. संकटांनी खचून न जाता उभं राहण्याची त्यांची ही जिद्द खऱ्या अर्थाने प्रेरणादायी आहे.
त्यांच्या या संवेदनशील स्वभावाचा अनुभव मी स्वतः घेतला. अजितदादांच्या विमान अपघाताची निष्पक्ष चौकशी व्हावी, या मागणीसाठी संसदेत त्यांची भेट घेतली असता त्यांनी केवळ आमचं म्हणणं ऐकून घेतलं नाही, तर एखाद्या कुटुंबातील सदस्याप्रमाणे आमच्या दुःखाची जाणीव ठेवत या मागणीला ठाम पाठिंबा दिला. स्वतःच्या आयुष्यात अशाच दुःखद प्रसंगांना सामोरं गेलेल्या व्यक्तीलाच दुसऱ्याच्या वेदनेची तीव्रता इतक्या संवेदनशीलतेने समजू शकते, याची प्रचिती त्या भेटीत आली.
आदरणीय सोनियाजींचा जीवनप्रवास हा केवळ एका व्यक्तीचा संघर्ष नाही, तर तो भारताच्या उदारमतवादी, सर्वसमावेशक व माणुसकी जपणाऱ्या संस्कृतीचंही प्रतिबिंब आहे.
शेवटी, माणसाची ओळख त्याने जपलेल्या नात्यांतून, संकटांशी दिलेल्या लढ्यातून आणि इतरांच्या दुःखात दाखवलेल्या माणुसकीतून निर्माण होते. सोनियाजींच्या जीवनप्रवासातून हाच मानवी मूल्यांचा संदेश अधोरेखित होतो. त्यांच्या ‘Belonging: A Journey of Love’ या पुस्तकाला माझ्या मनापासून शुभेच्छा! हे पुस्तक श्रीमती सोनिया जी गांधी यांच्यावर, गांधी-नेहरु कुटुंबावर आणि काँग्रेसवर निष्ठा व प्रेम असलेल्या देशभरातील कोट्यवधी कार्यकर्त्यांसाठी नक्कीच प्रेरणादायी ठरेल!
……
As Smt. Sonia Gandhi ji’s life journey unfolds before readers through her book ‘Belonging: A Journey of Love’, my thoughts go beyond politics to reflect on the life of a sensitive, resilient and courageous individual.
At the young age of just 21, she left behind her home, her loved ones and everything familiar in Italy to begin a new chapter in India. She embraced this country and made it her own. However, her journey was marked by two devastating personal tragedies — the loss of Indira ji in 1984 and Rajiv ji in 1991. Despite enduring such profound personal losses, she chose not to leave India and return to her homeland. Instead, she strengthened her bond with this country and devoted herself to public life and service. Her determination to stand firm in the face of immense adversity is truly inspiring.
This year, I had the opportunity to experience her compassion and sensitivity firsthand. When I met her in Parliament to seek her support for an impartial investigation into Ajit Dada’s tragic plane crash, she did more than simply listen to our concerns. She understood our pain as though we were members of her own family and extended her firm support to our demand. That meeting reaffirmed my belief that someone who has endured similar personal tragedies can truly understand another person’s pain with such profound empathy and sensitivity.
Respected Sonia ji’s life journey is not merely the story of an individual’s struggles; it is also a reflection of India’s liberal, inclusive and compassionate ethos — a culture that embraces humanity above all else.
Ultimately, a person’s true identity is shaped by the relationships they cherish, the challenges they overcome and the humanity they demonstrate in the face of another’s suffering. Sonia ji’s life journey beautifully reinforces this timeless message of human values.
My heartfelt best wishes to her on the publication of ‘Belonging: A Journey of Love’. I firmly believe that this book will serve as a source of inspiration for millions of Congress workers across the country who hold deep respect, affection and unwavering loyalty towards Smt. Sonia Gandhi ji, the Gandhi-Nehru family and the Indian National Congress.
@INCIndia
@SoniaGandhi
@RahulGandhi— Rohit Pawar (@RRPSpeaks) November 11, 2026