Suresh Dhas Activist Satish Bhosale arrested from Prayagraj : भाजप आमदार सुरेश धस यांचा कार्यकर्ता गुंड सतीश भोसले याला प्रयागराज (Prayagraj) येथून अटक करण्यात आली आहे. बीड (Beed Police) आणि उत्तर प्रदेश पोलिसांनी (UP Police) संयुक्त कारवाई करत गुंड सतीश भोसलेला ( Satish Bhosale) अटक केली आहे.
शिरुरकासार तालुक्यातील एका व्यक्तीला मारहाण करताना सतीश भोसले याचा व्हिडिओ व्हायरल झाला होता. व्हिडिओ व्हायरल झाल्यानंतर त्याच्यावर कारवाई करण्यात यावी अशी मागणी होत होती. तर आता 6 दिवसांनंतर सतीश भोसले उर्फ खोक्या भाईला प्रयागराजमधून उत्तर प्रदेश पोलिसांच्या मदतीने बीड पोलिसांनी अटक केली आहे.
सतीश भोसले नेमका कोण
सतीश भोसले हा बीड जिल्ह्यातील शिरुर जवळच्या वस्तीवर राहतो. त्याच्या घरची परिस्थिती बेताची आहे. परंतु, सतीश भोसले मात्र महागड्या गाड्या आणि सोन्याचे ब्रेसलेट वापरतो. मागील पाच ते सात वर्षांपासून तो राजकारणात सक्रिय आहे. भाजप आमदार सुरेश धस यांचा सतीश भोसले कट्टर कार्यकर्ता आहे. शिरुर कासार परिसरात त्याची खोक्या पार्टी नावाने दहशत आहे. खोक्या पार्टी, गोल्ड मॅन या टोपण नावाने तो ओळखला जातो. त्याने अनेकांना मारहाण करुनही त्याच्या विरुद्ध तक्रार देण्यासाठी कुणी पुढे येत नाही.
सतीश भोसले उर्फ खोक्या भाईला हरीण आणि मोरांच्या शिकारीचा शौक होता. खोक्याने आतापर्यंत साधारण 200 पेक्षा जास्त हरिणांना मारल्याचं आजूबाजूच्या गावचे लोक सांगतात. याशिवाय डोंगरात वागूर (पक्षी पकडण्याचे जाळे) लावून कित्येक मोरही खाल्ले आहेत. आठ दिवसांपूर्वी सतीश भोसले आणि त्याचे सहकारी दिलीप ढाकणे यांच्या शेतात हरणं पकडत होते. त्यावेळी दिलीप ढाकणे यांनी त्यांना हरणं पकडण्यास मज्जाव केला. तेव्हा खोक्या भाई आणि त्याच्या सहकाऱ्यांनी दिलीप ढाकणे आणि त्यांच्या मुलाला अमानुष मारहाण केली.यामध्ये दिलीप ढाकणे यांचे 8 दात पडले आहेत आणि त्यांचा जबडा फ्रॅक्चर झाला आहे. ढाकणे यांच्या मुलाचाही पाय फ्रॅक्चर झाला. पण याच खोक्याचे व्हिडिओ व्हायरल झाल्यानंतर या प्रकरणाला वाचा फुटली आहे. कारण बावीकर धाडस करून समोर आले आहेत.
मोठी बातमी! पोर्तुगालमध्ये सरकार कोसळले, पंतप्रधान लुईस मॉन्टेनेग्रो यांनी दिला राजीनामा
