D. Y. Patil PGDM Institute : डी. वाय. पाटील पीजीडीएम इन्स्टिट्यूट, आकुर्डी, पुणे येथे “From Blue Ocean to Green Growth: Leveraging AI for Scalable & Sustainable Business Innovation” या विषयावर आयोजित सहा दिवसीय AICTE Training and Learning (ATAL) Academy Faculty Development Programme (FDP) ची २१ ते २६ सप्टेंबर २०२६ या कालावधीत यशस्वी सांगता झाली. या फॅकल्टी डेव्हलपमेंट प्रोग्राममध्ये विविध संस्थांमधील प्राध्यापक व शैक्षणिक क्षेत्रातील व्यावसायिकांनी सहभाग घेतला. कृत्रिम बुद्धिमत्ता (AI), ब्ल्यू ओशन स्ट्रॅटेजी, शाश्वत व्यावसायिक नवोन्मेष, उद्योजकता, डिजिटल ट्रान्सफॉर्मेशन आणि जबाबदार व्यवसायवृद्धी या परस्परपूरक विषयांचा सखोल अभ्यास या कार्यक्रमादरम्यान करण्यात आला.
कार्यक्रमात विविध क्षेत्रातील तज्ज्ञ व मान्यवरांनी मार्गदर्शन केले. शाश्वत मूल्यनिर्मिती व डिझाइन थिंकिंग, ब्ल्यू ओशन स्ट्रॅटेजी, डिजिटल ट्रान्सफॉर्मेशन, इनोव्हेशन व सायन्स एंटरप्रेन्युअरशिप, AI आधारित स्केलेबल बिझनेस मॉडेल्स, सर्क्युलर इकॉनॉमी, स्ट्रॅटेजिक डिसिजन मेकिंग, संशोधन, AI आधारित ह्युमन रिसोर्स मॅनेजमेंट तसेच ग्रीन आणि ब्ल्यू ओशनच्या माध्यमातून शाश्वत मूल्यनिर्मिती अशा समकालीन विषयांवर सत्रे घेण्यात आली.
विविध क्षेत्रातील तज्ज्ञ व शिक्षणतज्ज्ञांनी व्याख्याने, केस स्टडीज, सिम्युलेशन, प्रायोगिक उपक्रम आणि प्रत्यक्ष अनुभवाधारित चर्चांच्या माध्यमातून मार्गदर्शन केले. या माध्यमातून सहभागी प्राध्यापकांना उदयोन्मुख तंत्रज्ञान आणि नाविन्यपूर्ण व्यावसायिक धोरणांचा वापर करून शाश्वत स्पर्धात्मक लाभ आणि जबाबदार व्यवसाय मॉडेल्स विकसित करण्याच्या विविध संधींची माहिती मिळाली.
FDP चा एक महत्त्वपूर्ण भाग म्हणून सहभागींची Smith+Nephew, Pharmaceuticals and Medical Devices, World Trade Center, Kharadi, Pune येथे औद्योगिक भेट आयोजित करण्यात आली. या भेटीद्वारे औषधनिर्मिती व वैद्यकीय उपकरणे क्षेत्रातील तंत्रज्ञान, नवोन्मेष, शाश्वतता आणि व्यावसायिक प्रक्रियांच्या प्रत्यक्ष अंमलबजावणीचा अनुभव सहभागी प्राध्यापकांना मिळाला. कार्यक्रमादरम्यान गटकार्य, स्ट्रॅटेजी डिझाइन उपक्रम, चिंतनपर उपक्रम आणि मूल्यमापन यांचा समावेश करण्यात आला. त्यामुळे सहभागीांना सत्रांमधून मिळालेले ज्ञान प्रत्यक्ष व्यावसायिक परिस्थितींशी जोडण्याची संधी मिळाली. २६ सप्टेंबर रोजी अंतिम मूल्यमापन आणि व्हॅलेडिक्टरी सेशनच्या माध्यमातून सहा दिवसीय शैक्षणिक व व्यावसायिक विकासाच्या या उपक्रमाची यशस्वी सांगता झाली.
या FDP च्या यशस्वी आयोजनासाठी डी. वाय. पाटील पीजीडीएम इन्स्टिट्यूटच्या संचालिका डॉ. शलाका पारकर यांचे मार्गदर्शन लाभले. डॉ. रश्मी प्रसाद, मुख्य समन्वयक आणि डॉ. संदीप सरकाळे, सह-समन्वयक यांनी कार्यक्रमाच्या नियोजन व समन्वयाची जबाबदारी पार पाडली. कार्यक्रमाच्या यशस्वी आयोजनासाठी सर्व तज्ज्ञ मार्गदर्शक, सहभागी प्राध्यापक, आयोजक समितीचे सदस्य आणि सहाय्यक कर्मचाऱ्यांचे योगदान महत्त्वपूर्ण ठरले.
सिद्ध करून दाखवा, आजच आमदारकीचा राजीनामा देतो…
या FDP च्या माध्यमातून AI आधारित नवोन्मेष, शाश्वत मूल्यनिर्मिती, आंतरविद्याशाखीय अध्ययन आणि उद्योगाभिमुख व्यवस्थापन शिक्षणाला प्रोत्साहन देण्याचा सामूहिक संकल्प करण्यात आला. भविष्यातील व्यवसाय व्यावसायिक आणि उद्योजकांना आवश्यक असलेल्या कौशल्यांच्या विकासासाठी अशा प्रकारचे उपक्रम महत्त्वपूर्ण ठरतील, असा विश्वास यावेळी व्यक्त करण्यात आला.