गुरुकुंज (मोझरी) अमरावती : राष्ट्रसंत तुकडोजी महाराजांच्या पुण्यतिथी पर्वानिमित्त देश विदेशातून आलेल्या भाविकांनी राष्ट्रसंत तुकडोजी महाराजांना गुरुकुंज आश्रमात मौन श्रद्धांजली अर्पित केली. संपूर्ण देशभरात अशा पद्धतीने अत्यंत शिस्तीत लाखो भाविकांनी एकाच वेळी मौन श्रद्धांजली अर्पण केली. यावेळी आमदार यशोमती ठाकूर उपस्थित होत्या.
अखिल विश्वाला मानवतेचा संदेश देणारे वंदनीय राष्ट्रसंत श्री तुकडोजी महाराज यांच्या ५४व्या पुण्यतिथी पर्वावर देशविदेशातील कानाकोपऱ्यातून गुरुकुंज मोझरीत आलेल्या लाखो भाविकांच्या उपस्थितीत महाराजांना मौन श्रद्धांजली अर्पित केली. त्यानंतर सर्वधर्म प्रार्थनेत सहभागी होऊन, या भारतात बंधुभाव नित्य वसु दे-मतभेद नसू दे कि कामना भाविकांनी वंदनीय राष्ट्रसंत श्री तुकडोजी महाराज यांच्या चरणी केली.
Maharashtra Budget 2023 : घोषणांचा पाऊस; पंचांमृताद्वारे फडणवीसांनी फुंकले 2024चं रणशिंग!
एक दिन सारा जगत गुरुदेव सेवामंडल की शिक्षा और दिक्षा पायेगा या राष्ट्रसंतांच्या भाकितानुसार अमेरिका, कॅनड, इंग्लंड, जॉर्जिया, दक्षिण आफ्रिका या देशांतील राष्ट्रसंत विचार प्रणालीचे अभ्यासक आणि विदेशी नागरिक मोठ्या संख्येने येथे उपस्थित होते. हा कार्यक्रम सुरू होण्याआधी काही वेळासाठी येथील सर्व व्यवहार, रस्त्यांवरील वाहतूक काही काळासाठी बंद करण्यात आले होते. त्यामुळे सर्वत्र निरव शांतता पसरली होती.
